நூல் வெளியீட்டு விழா

தியாகதுருகம் பாரதியார் தமிழ்ச் சங்கம், திருக்குறள் பேரவை இணைந்து நடத்திய நூல் வெளியீட்டு விழா தியாகதுருகத்தில் அண்மையில் நடைபெற்றது.
 உலக தமிழ்க் கவிஞர் பேரவை பொதுச் செயலாளர் புலவர் கு.சீத்தா தலைமை வகித்தார். கல்லை திருக்குறள் நடுவம் தலைவர் அய்யா.மோகன், கவிமாமணி முத்தமிழ்முத்தன், தொழில் பயிற்சிப் பள்ளியின் முதல்வர் த.பழனிவேல், ஓய்வுபெற்ற ஆசிரியர் நா.சீராளன் ஆகியோர் முன்னிலை வகித்தனர்.
 திருக்குறள் பேரவைச் செயலாளர் சி.நரேன்ராசு எழுதிய, "கவிச்சுடரின் கவிமுத்துக்கள்' என்ற நூலினை தியாகதுருகம் மவுண்ட் பார்க் பள்ளிக் குழுமங்களின் தாளாளர் பொன்.இரா.மணிமாறன் வெளியிட, மருத்துவர் வி.ஏ.ரஹமத்துல்லா முதல் பிரதியை பெற்றுக் கொண்டார்.
 புதுச்சேரி சிவசு கல்வி இலக்கிய அறக்கட்டளை நிறுவனத் தலைவர் பாவலர் சு.சண்முக சுந்தரம், கல்லை தமிழ்ச் சங்க மகளிர்அணிச் செயலாளர் கோ.காயத்ரி நூலினை திறனாய்வு செய்தனர். தமிழப் படைப்பாளர்கள் சங்கத் தலைவர் செ.சு.மலரடியான், திருக்குறள் பேரவை சிறப்புத் தலைவர் ப.கோ.நாராயணசாமி, கல்லை தமிழ்ச் சங்க செயலாளர் செ.வ.மதிவாணன், தியாகதுருகம் தமிழ்ச் சங்க செயலாளர் இதயம் கிருஷ்ணா உள்ளிட்ட பலர் பேசினர்
 நிகழ்ச்சியில் திருக்குறள் பேரவை துணைத் தலைவர் வா.ச.கணேசன், ஓய்வு பெற்ற தலைமை ஆசிரியர் பொன்.அறிவழகன், அரசம்பட்டு திருவள்ளுவர் தமிழ்ச் சங்கத் தலைவர் வெ.சௌந்திரராஜன், பாரதியார் தமிழ்ச் சங்கத் தலைவர் இரா.துரைமுருகன் உள்ளிட்ட பலர் பங்கேற்றனர்.