குண்டர் சட்டத்தின் கீழ் சாராய வியாபாரி கைது

சின்னசேலம் அருகே சாராயம் வியாபாரியை குண்டர் சட்டத்தின்கீழ் போலீஸார் வியாழக்கிழமை கைது செய்தனர்.
சின்னசேலம் அருகே லட்சியம் கிராமத்தைச் சேர்ந்த அண்ணாமலை மகன் வெங்கடேசன்(40). அந்த பகுதியில் சாராய விற்பனையில் ஈடுபட்டு வந்த இவரை சின்னசேலம் போலீஸார் கைது செய்து கடலூர் மத்திய சிறையில் அடைத்தனர். இந்த நிலையில், அவரை மாவட்ட ஆட்சியர் இல.சுப்பிரமணியன் உத்தரவின்பேரில் மது விலக்கு தடுப்புக் காவல் சட்டத்தின் கீழ் போலீஸார் வியாழக்கிழமை கைது செய்தனர்.