ஆத்தூரில் தீ விபத்து: 3 வீடுகள் சேதம்

உளுந்தூர்பேட்டை அருகே ஆத்தூர் கிராமத்தில் புதன்கிழமை அதிகாலை ஏற்பட்ட மின் கசிவால்  மூன்று வீடுகள் தீயில் எரிந்து சேதமடைந்தன.
உளுந்தூர்பேட்டை வட்டம், ஆத்தூர் கிராமத்தில் மின் கசிவால் ஏற்பட்ட தீவிபத்து காரணமாக சிவபெருமாள், குப்புசாமி, பழனிச்சாமி ஆகியோரின் வீடுகள் தீயில் எரிந்து சாம்பலாயின. 
இந்த தீ விபத்தால் சுமார் 5 லட்சத்திலான பொருள்கள் தீயில் எரிந்து சாம்பலாயின. 
இதுகுறித்து தகவலறிந்த உளுந்தூர்பேட்டை தீயணைப்பு நிலைய அலுவலர் ஜமுனாராணி தலைமையில் தீயணைப்பு படையினர்கள் சம்பவ இடத்துக்கு விரைந்து சென்று தீ மேலும் பரவாமல் தடுத்து அணைத்தனர்.