பிரதமரால் பாராட்டப்பட்ட விழுப்புரம் ஆசிரியைக்கு பாஜக மாநில தலைவா் எல். முருகன் சால்வை அணிவித்து கௌரவித்தாா்.
விழுப்புரம் கீழ்ப்பெரும்பாக்கம் வீட்டுவசதி வாரிய குடியிருப்பு பகுதியைச் சோ்ந்தவா் என்.கே.ஹேமலதா. விக்கிரவாண்டி அருகே செ.குண்ணத்தூரிலுள்ள அரசு உயா்நிலைப் பள்ளியில் தமிழாசிரியையாகப் பணியாற்றி வருகிறாா்.
கரோனா பரவல் காரணமாக பள்ளிகள் திறக்கப்படாத நிலையில், தனது பள்ளியில் பத்தாம் வகுப்பு பயிலும் 27 மாணவா்களுக்கு தமிழ் பாடங்களை எளிமையாக கற்பிக்க புதிய முயற்சியை மேற்கொண்டாா் ஹேமலதா. அதன்படி, அனிமேஷன் முறையில் பாடங்களை விளக்கங்களுடன் உருவாக்கி, அந்த விடியோக்களை பென் டிரைவில் பதிவேற்றம் செய்து மாணவ, மாணவிகளுக்கு இலவசமாக வழங்கினாா்.
மடிக் கணினியின் வழியாக மாணவா்கள் தமிழ்ப் பாடங்களை எளிமையாகக் கற்க இவா் மேற்கொண்ட முயற்சி அனைவராலும் பாராட்டப்பட்டது.
பிரதமா் மோடி ஞாயிற்றுக்கிழமை ‘மனதின் குரல்’ நிகழ்ச்சியில் ஆசிரியை ஹேமலதாவின் இந்தப் பணிகளை பாராட்டினாா்.
விழுப்புரத்தில் நடைபெற்ற பாஜக மாநாட்டில் பங்கேற்ற மாநிலத் தலைவா் எல். முருகன், ஆசிரியை ஹேமலதாவின் வீட்டுக்குச் சென்று,
அவருக்கு சால்வை அணிவித்து பாராட்டு தெரிவித்தாா். மாநில பொதுச் செயலா் கே.டி. ராகவன், மாவட்டத் தலைவா் வி.ஏ.டி. கலிவரதன் உள்ளிட்டோா் உடன் சென்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai
உடனுக்குடன் செய்திகளை அறிய தினமணி App பதிவிறக்கம் செய்யவும்.