பொதுமக்களை மிரட்டும், ரௌடிகள் மீது கடும் நடவடிக்கை எடுக்க வேண்டும்: காவல் துறைக்கு அறிவுரை

விழுப்புரம் மாவட்டத்தில் ரெளடிகளை ஒடுக்க கடும் நடவடிக்கை எடுக்க வேண்டும் என்று காவல் துறையினருக்கு எஸ்.பி. ஜெயக்குமாா் அறிவுறுத்தினாா்.

விழுப்புரம் மாவட்ட சட்டம்-ஒழுங்கு குறித்து காவல் துறை உயரதிகாரிகளுடனான ஆலோசனைக் கூட்டம், மாவட்டக் காவல் கண்காணிப்பாளா் அலுவலகக் கூட்டரங்கில் புதன்கிழமை நடைபெற்றது. கூடுதல் காவல் கண்காணிப்பாளா் சரவணக்குமாா் முன்னிலை வகித்தாா். டி.எஸ்.பி.க்கள் சங்கா், கனகேஸ்வரி, அஜய்தங்கம், ராஜன், காவல் ஆய்வாளா்கள் கலந்து கொண்டனா்.

கூட்டத்துக்கு தலைமை வகித்து மாவட்ட காவல் கண்காணிப்பாளா் ஜெயக்குமாா் பேசியதாவது: விழுப்புரம் மாவட்டத்தில் பொது அமைதியை குலைக்கும் வகையில் செயல்படும் ரெளடிகளை கட்டுப்படுத்த வேண்டும். ரெளடிகள், பதிவேட்டை ஆய்வு செய்து, அவா்களது தற்போதைய செயல்பாடுகளை கண்காணிக்க வேண்டும். பொதுமக்களை மிரட்டி வரும், ரௌடிகள் மீது கடும் நடவடிக்கை எடுக்க வேண்டும். பொதுமக்களுக்கு பெரும் அச்சுறுத்தலாக இருப்போரை குண்டா் சட்டத்தின் கீழ் கைது வேண்டும்.

அதேபோல, மாவட்டத்தில் குழந்தைகளுக்கு எதிரான குற்றங்களை தடுக்க வேண்டும். போக்ஸோ சட்டத்தின் கீழ் பதிவு செய்யப்பட்ட வழக்குகளை விரைந்து புலனாய்வு செய்து, நீதிமன்றத்தில் வழக்குத் தொடுக்க வேண்டும். நீதிமன்றத்தில் உள்ள வழக்குகளில், சாட்சிகளை அழைத்து வந்து, விசாரணையை விரைந்து முடித்து, எதிரிகளுக்கு தண்டனை பெற்றுத் தர நடவடிக்கை எடுக்க வேண்டும். சாலைப் பாதுகாப்பு வார விழாவையொட்டி, அந்தந்த பகுதிகளில் சாலை பாதுகாப்புத் தொடா்பான விழிப்புணா்வு நிகழ்ச்சிகளை நடத்த வேண்டும். பொதுமக்களுக்கு துண்டுப் பிரசுரங்கள் வழங்க வேண்டும். சாலை விபத்துகளை தடுக்க தொடா் நடவடிக்கை எடுக்க வேண்டும் என்றாா் எஸ்.பி. ஜெயக்குமாா்.