வானூா் பகுதியில் ஆட்சியா் திடீா் ஆய்வு

விழுப்புரம் மாவட்டம், வானூா் பகுதியில் மாவட்ட ஆட்சியா் த.மோகன் வெள்ளிக்கிழமை திடீா் ஆய்வில் ஈடுபட்டாா்.

வானூா் வட்டம், பொம்மையாா்பாளையம் அங்கன்வாடி மையம், கிளியனூா் நேரடி நெல் கொள்முதல் நிலையம் ஆகியவற்றில் வெள்ளிக்கிழமை ஆய்வில் ஈடுபட்டாா்.

அப்போது, நேரடி நெல் கொள்முதல் நிலையத்தில் கொள்முதல் செய்யப்பட்ட நெல் அளவு எவ்வளவு, சரியான எடையளவில் கொள்முதல் நடைபெறுகிா, கொள்முதல் நெல்லுக்கு உரிய முறையில் பணப்பட்டுவாடா செய்யப்படுகின்றனவா என நெல் கொள்முதல் நிலைய அலுவலா்களிடம் அவா் கேட்டறிந்தாா்.

தொடா்ந்து, கொள்முதல் செய்யப்பட்டநெல்லுக்குத் தேவையான இடவசதி, மின்வசதி, நெல் மூட்டைகள் மழையில் நனைந்துவிடாதபடி பாதுகாக்க தாா்ப்பாய் வசதி ஆகியவை உள்ளனவா என்பதையும் அவா் விசாரித்தறிந்தாா்.

கொள்முதல் செய்யப்பட்ட நெல் மூட்டைகளை உடனடியாக ஒழுங்குமுறை விற்பனைக் கூடத்துக்கு அனுப்பி வைக்கவும், முதலில் வருவோருக்கு முன்னுரிமை என்ற அடிப்படையில் டோக்கன் முறையில் விவசாயிகளிடமிருந்து நெல் கொள்முதல் செய்யவும் ஆட்சியா் மோகன் அறிவுறுத்தினாா்.

இதையடுத்து, கீழ்கூத்தப்பாக்கம் ஊராட்சியில் மகாத்மா காந்தி தேசிய ஊரக வேலை உறுதி திட்டத்தின் கீழ் மரக்கன்று நடும் பணியை மாவட்ட ஆட்சியா் மோகன் நேரில் பா்வையிட்டு ஆய்வு செய்தாா்.

மேலும், எரையூா் அரசு உயா்நிலைப்பள்ளியில் ஊரக உள்ளாட்சித் தோ்தலுக்கான வாக்குச்சாவடி மையத்தை ஆட்சியா் மோகன் பாா்வையிட்டு ஆய்வு செய்தாா். அங்கு ஏற்படுத்தப்படும் குடிநீா், மின்சாரம், கழிவறை வசதிகள், மாற்றுத்திறனாளிகளுக்கான சாய்வதள வசதி உள்ளிட்டவற்றை ஆய்வு செய்தாா்.

தொடா்ந்து, கண்டமங்கலம் ஒன்றியத்துக்குள்பட்ட பள்ளிநேயனூா் ஊராட்சியில் நடைபெற்ற கால்நடை மருத்துவ முகாமை ஆட்சியா் பாா்வையிட்டாா். இந்த ஆய்வின்போதுகால்நடைபராமரிப்புத் துறை மண்டல இணை இயக்குநா் மனோகரன், ஊராட்சிகள் உதவி இயக்குநா் ஜோதி, தனித்துணை ஆட்சியா் பெருமாள், வட்டாட்சியா் சங்கரலிங்கம் உள்ளிட்டோா் உடன் இருந்தனா்.