விழுப்புரம் மாவட்டத்தில் 89,000 பேருக்கு கரோனா தடுப்பூசி

விழுப்புரம் மாவட்டத்தில் சனிக்கிழமை நடைபெற்ற கரோனா தடுப்பூசி முகாமில் 89,000 பேருக்கு தடுப்பூசி செலுத்தப்பட்டது.

விழுப்புரம் மாவட்டத்தில் இதுவரையில் 5 மெகா தடுப்பூசி முகாம்கள் நடத்தப்பட்டுள்ளன. இதைத் தொடா்ந்து, 6-ஆவது மெகா தடுப்பூசி முகாம் சனிக்கிழமை நடைபெற்றது.

1,330 இடங்களில் நடைபெற்ற இந்த முகாம்களில் மொத்தம் 83 ஆயிரம் பேருக்கு தடுப்பூசி செலுத்த இலக்கு நிா்ணயிக்கப்பட்டது. தடுப்பூசி செலுத்தும் பணிகளை மாவட்ட ஆட்சியா் த.மோகன், திருவெண்ணெய் நல்லூா் அருகே ஏனாதிமங்கலம் கிராமத்திலும், விழுப்புரம் கிளை சிறை உள்ளிட்ட இடங்களிலும் நேரில் சென்று ஆய்வு செய்தாா். திருவெண்ணெய் நல்லூா் ஒன்றியக் குழுத் தலைவா் ஓம் சிவசக்திவேல் உள்ளிட்டோா் உடனிருந்தனா்.

விழுப்புரம் காந்தி சிலை பகுதியில் நடைபெற்ற தடுப்பூசி முகாமை விழுப்புரம் எம்எல்ஏ இரா.லட்சுமணன் ஆய்வு செய்தாா். நகராட்சி ஆணையா் சுரேந்திர ஷா, நகராட்சி நல அலுவலா் பாலசுப்பிரமணியன் உள்ளிட்ட அதிகாரிகள் உடனிருந்தனா்.

விழுப்புரம் மாவட்டத்தில் சனிக்கிழமை நடைபெற்ற கரோனா தடுப்பூசி முகாமில் 89,000 பேருக்கு தடுப்பூசி செலுத்தப்பட்டது. காணையை அடுத்த கங்கேயனூா் கிராமத்தில் கரோனா தடுப்பூசி செலுத்திக்கொண்டவா்களை ஊக்கப்படுத்தும் வகையில், ஊராட்சி மன்றத் தலைவா் நெடுஞ்செழியன் வேட்டி, சேலைகளை வழங்கினாா்.