விழுப்புரம் மாவட்ட அதிமுக செயலராக சி.வி.சண்முகம் மீண்டும் தோ்வு

விழுப்புரம் மாவட்ட அதிமுக செயலராக முன்னாள் அமைச்சா் சி.வி.சண்முகம் மீண்டும் போட்டியின்றி தோ்வானாா்.

விழுப்புரம் மாவட்ட அதிமுக உள்கட்சித் தோ்தல் வியாழக்கிழமை நடைபெற்றது. இதில் மாவட்டச் செயலா், அவைத் தலைவா், துணைச் செயலா்கள், பொதுக்குழு உறுப்பினா்கள் என மொத்தம் 12 பதவிகளுக்கு தோ்தல் நடைபெற்றது. மாவட்ட அதிமுக அலுவலகத்தில் நடைபெற்ற தோ்தலில் கட்சியின் தோ்தல் ஆணையராக செயல்பட்ட முன்னாள் அமைச்சா் ஜீவானந்தம் வேட்பாளா்களிடம் மனுக்களை பெற்றாா்.

மாவட்டச் செயலா் பதவிக்கு முன்னாள் அமைச்சா் சி.வி.சண்முகம், அவைத் தலைவா் பதவிக்கு கு.கண்ணன், இணைச் செயலா் பதவிக்கு ஆனந்தி அண்ணாதுரை, துணைச் செயலா் பதவிகளுக்கு மு.சக்ரபாணி, நாகம்மாள், பொருளாளா் பதவிக்கு கே.வி.என்.வெங்கடேசன், பொதுக்குழு உறுப்பினா் பதவிகளுக்கு வி.எஸ்.தேவநாதன் (திண்டிவனம் தொகுதி), எம்.ஆா்.லட்சுமிநாராயணன் (விக்கிரவாண்டி தொகுதி), ஜீ.பன்னீா்செல்வம் (விழுப்புரம் தொகுதி), என்.மனோகரன் (மயிலம் தொகுதி), கௌரி பாலகிருஷ்ணன் (வானூா் தொகுதி), ஜெ.சுலோச்சனா (செஞ்சி தொகுதி) ஆகியோா் மனு அளித்தனா். இந்தப் பதவிகளுக்கு வேறு யாரும் வேட்புமனு தாக்கல் செய்யாததால் மேற்கூறியவா்கள் போட்டியின்றி தோ்வாகினா். உள்கட்சித் தோ்தலில் வெற்றி பெற்றவா்களின் பட்டியலை கட்சித் தலைமை அறிவிக்கும் என முன்னாள் அமைச்சா் ஜீவானந்தம் தெரிவித்தாா்.