பொறியியல் படிப்புகளில் நிகழாண்டில் தமிழ் பாடங்கள்: அமைச்சா் க.பொன்முடி

தமிழகத்தில் நிகழ் கல்வியாண்டில் பொறியியல் படிப்புகளில் முதல், இரண்டாம் பருவங்களில் தமிழ்ப் பாடங்கள்அறிமுகப்படுத்தப்படும் என்று மாநில உயா் கல்வித் துறை அமைச்சா் க.பொன்முடி தெரிவித்தாா்.

விழுப்புரம் சட்டக் கல்லூரி கலையரங்கில் வெள்ளிக்கிழமை நடைபெற்ற சென்னை அண்ணா பல்கலைக்கழக உறுப்புக் கல்லூரிகளின் பட்டமளிப்பு விழாவில் முதன்மை விருந்தினராகப் பங்கேற்று, ஆரணி, காஞ்சிபுரம், பண்ருட்டி, திண்டிவனம், விழுப்புரம் கல்லூரிகளில் 2017-2021-ஆம் கல்வியாண்டுகளில் பொறியியல் பயின்ற 703 மாணவா்கள், 416 மாணவிகள் என 1,119 பேருக்குப் பட்டங்களை வழங்கி, மேலும் அவா் பேசியதாவது:

படிக்கும் போதே மாணவா்களின் தங்களின் பணித் திறமையை வளா்த்துக் கொள்ள வேண்டும் என்ற நோக்கில்தான், தமிழக முதல்வா் மு.க.ஸ்டாலின் நான் முதல்வன் திட்டத்தை தொடக்கியிருக்கிறாா்.

அண்ணா பல்கலைக்கழகம் மூலம் பாடத்திட்டத்தை மாற்றியமைப்பதற்கான குழு அமைக்கப்பட்டு, அதற்கான பணிகள் நடைபெற்று வருகின்றன.

நிகழ் கல்வியாண்டில் பொறியியல் படிப்புகளில் முதல், இரண்டாம் பருவங்களில் தமிழ்ப் பாடங்கள் இடம்பெறும். முதல் பருவத்தில் தமிழா் மரபுகள் என்ற பாடமும், இரண்டாம் பருவத்தில் தமிழும் தொழில்நுட்பமும் என்ற பாடமும் அறிமுகப்படுத்தப்படும். அனைத்து பொறியியல் கல்லூரிகளிலும் மாணவ, மாணவிகள் தமிழ்ப் பாடங்களைக் கட்டாயம் படிக்க வேண்டும் என்றாா் அவா்.

விழாவுக்கு, அண்ணா பல்கலைக்கழகத் துணைவேந்தா் ரா. வேல்ராஜ் தலைமை வகித்தாா். உயா் கல்வித் துறை முதன்மைச் செயலா் தா.காா்த்திகேயன் சிறப்புரையாற்றினாா்.

மாவட்ட ஆட்சியா் த. மோகன் விழாவில் பேசினாா். விழாவில் 38 போ் பதக்கங்களைப் பெற்றனா்.

சட்டப்பேரவை உறுப்பினா்கள் இரா. லட்சுமணன் (விழுப்புரம்), நா.புகழேந்தி (விக்கிரவாண்டி), நகா்மன்றத் தலைவா் பி. தமிழ்ச்செல்வி, முன்னாள் எம்எல்ஏ புஷ்பராஜ், அண்ணா பல்கலைக்கழகப் பதிவாளா் ரவிகுமாா் உள்ளிட்டோா் பங்கேற்றனா்.

முன்னதாக, பல்கலைக்கழகப் பொறியியல் கல்லூரி புல முதல்வா் (விழுப்புரம்) இரா.செந்தில் வரவேற்று ஆண்டறிக்கையை வாசித்தாா்.

விழாவுக்குப் பிறகு, செய்தியாளா்களிடம் அமைச்சா் க.பொன்முடி கூறியதாவது:

தமிழக அரசு தேசிய கல்விக் கொள்கையிலுள்ள குறைபாடுகளை சுட்டிக்காட்டி கடிதம் எழுதியதற்கு, மத்திய அரசு அனுப்பிய கடிதத்தில் குறைகளைக் களைந்துள்ளதாக பதில் அனுப்பியுள்ளது. தேசிய கல்விக் கொள்கையை எந்த மாநிலங்களும் எதிா்க்கவில்லை; குறிப்பாக, தமிழக அரசு எழுத்துப்பூா்வமாக எந்தவித எதிா்ப்பையும் அளிக்கவில்லை என மத்திய கல்வித் துறை இணை அமைச்சா் சுபாஷ் சா்க்காா் தவறாக கூறுகிறாா்.

தேசிய கல்விக் கொள்கை தமிழகத்தில் அமல்படுத்தப்பட்டால் அது மாநிலத்தின் வளா்ச்சிக்கும், தமிழின் வளா்ச்சிக்கும் தடையாக இருக்கும். ஹிந்தியைத் திணிப்பதற்காக தேசிய கல்விக் கொள்கையைக் கொண்டு வந்திருக்கின்றனா். மாநில மொழிக்காக தேசிய கல்விக் கொள்கையில் எதையும் சொல்லவில்லை.

தமிழகத்தில் திமுக அரசுக்கு எதிராக பேசினால் தனக்கு உயா்ந்த பதவி கிடைக்கும் என்ற நோக்கில் தமிழக ஆளுநா் ஆா்.என்.ரவி பேசி வருகிறாா்.

தமிழகத்தில் கல்விக் கட்டணத்தை ரத்து செய்வது குறித்து நிதி நிலைமைக்கேற்ப நடவடிக்கைகள் மேற்கொள்ளப்படும் என்றாா் அமைச்சா் பொன்முடி.