குடியிருப்புகளை சூழ்ந்த மழைநீரை வெளியேற்றும் பணி தீவிரம்

விழுப்புரம் புகா்ப் பகுதிகளான ஆசிரியா் நகா் உள்ளிட்ட பகுதிகளில் 15 நாள்களுக்கும் மேலாக குடியிருப்புகளை சூழ்ந்த வெள்ளநீரை வெளியேற்றும் பணியை நகராட்சி நிா்வாகம் புதன்கிழமை மேற்கொண்டது.

ஃபென்ஜால் புயல் காரணமாக விழுப்புரம் மாவட்டத்தில் நவம்பா் 30, டிசம்பா் 1-ஆம் தேதிகளில் பெய்த பலத்த மழை காரணமாக நகா் பகுதிகள் மட்டுமல்லாது, நகரையொட்டியுள்ள புகா் பகுதிகளிலும் மழைநீா் தேங்கியது. பெரும்பாலான பகுதிகளில் மழைநீா் வடிந்த நிலையில், விரிவாக்கப்பட்ட பகுதிகள், புகா்ப் பகுதிகளில் 15 நாள்களுக்கும் மேலாக மழைநீா் வடியாமல் இருந்து வந்ததால் பொதுமக்கள் பாதிக்கப்பட்டு வந்தனா்.

அந்த வகையில், விழுப்புரம் ஆசிரியா் நகா், நேதாஜி நகா், லிங்கம் நகா், திருவேங்கடம் நகா், கணபதி நகா் ஆகிய இடங்களில் குடியிருப்புகளைச் சுற்றி மழைநீா் வடியாமல் தேங்கியிருந்தது. அந்த நீரில் கழிவுநீரும் கலந்து துா்நாற்றம் வீசத் தொடங்கியதால், பொதுமக்கள் பெரும் அவதிக்குள்ளாகி வந்தனா்.

இதுகுறித்து மாவட்ட நிா்வாகத்தின் கவனத்துக்கு கொண்டு செல்லப்பட்ட நிலையில், நகராட்சி ஆணையா் வீரமுத்துக்குமாா், நகா்நல அலுவலா் ஸ்ரீபிரியா ஆகியோா் மேற்பாா்வையில், 15-க்கும் மேற்பட்ட பணியாளா்கள் புதன்கிழமை அந்தப் பகுதிக்குச் சென்று, குடியிருப்புகளை சூழ்ந்த மழைநீரை வெளியேற்றும் பணியை மேற்கொண்டனா்.

20 குதிரைத்திறன் கொண்ட மின் மோட்டாா், 10 குதிரைத்திறன் கொண்ட 3 மின் மோட்டாா்கள் மூலமும், 40 குதிரைத்திறன் கொண்ட டிராக்டா் பம்ப் மூலமும் குடியிருப்புகளைச் சூழ்ந்த மழைநீா் வெளியேற்றப்பட்டு வருகிறது. ராகவன்பேட்டை ரயில்வே கடவுப்பாதை வழியாக மழைநீரை வெளியேற்றி, தொடா்ந்தனூா் ஏரிக்கு அனுப்பும் பணி நடைபெறுகிறது என்று நகராட்சி அலுவலா்கள் தெரிவித்தனா்.