இணையவழி லாட்டரி விற்பனை: மூவா் கைது

விழுப்புரம்: விழுப்புரம் மாவட்டம், திண்டிவனத்தில் இணையவழி லாட்டரி விற்பனையில் ஈடுபட்டதாக மூவரை போலீஸாா் ஞாயிற்றுக்கிழமை கைது செய்தனா். மேலும், அவா்களிடமிருந்து 3 கைப்பேசிகள் பறிமுதல் செய்யப்பட்டன.

திண்டிவனம் காவல் உதவி ஆய்வாளா் சுதன் தலைமையிலான போலீஸாா் ஞாயிற்றுக்கிழமை மாலை கிடங்கல்-1 ஒத்துக்கண்ணுப்பாலம் அருகே ரோந்துப் பணியில் ஈடுபட்டிருந்தனா்.

அப்போது, அங்கிருந்த மூவா் போலீஸாரை கண்டதும் தப்ப முயன்றனராம். தொடா்ந்து, போலீஸாா் மூவரையும் பிடித்து விசாரித்தனா்.

அதில், அவா்கள் திண்டிவனம் பூதேரி வடக்குத் தெருவைச் சோ்ந்த ஏ.பொன்னியப்பன் (35), காவேரிப்பாக்கம் சுப்பராயப் பிள்ளைத் தெருவைச் சோ்ந்த அ.முஸ்தபா (32), அ.முகமது (30) என்பதும், மூவரும் இணையவழி லாட்டரி விற்பனையில் ஈடுபட்டதும் தெரியவந்தது.

தொடா்ந்து, மூவரையும் போலீஸாா் கைது செய்து, அவா்களிடமிருந்த 3 கைப்பேசிகளையும் பறிமுதல் செய்தனா்.