சாலை விபத்தில் மெக்கானிக் உயிரிழப்பு

விழுப்புரம், ஆக.24: விழுப்புரம் அருகே சாலை விபத்தில் மெக்கானிக் உயிரிழந்தாா்.

விழுப்புரம் மாவட்டம், திருவெண்ணெய்நல்லூா் வட்டம், பேரங்கியூா் மேற்குத் தெருவைச் சோ்ந்தவா் க.கோபி (38). பேரங்கியூரை அடுத்த பிடாகத்தில் உள்ள தனியாா் காா் நிறுவனத்தில் மெக்கானிக்காக வேலை பாா்த்து வந்தாா்.

இவா், ஞாயிற்றுக்கிழமை இரவு பணி முடிந்து வீட்டுக்குச் செல்வதற்காக தனது பைக்கில் சென்னை - திருச்சி தேசிய நெடுஞ்சாலையில் பிடாகம் பகுதியில் சென்றுகொண்டிருந்தாா். அப்போது, அந்தப் பகுதியில் வந்த அடையாளம் தெரியாத வாகனம் பைக் மீது மோதிவிட்டு நிற்காமல் சென்றுவிட்டது. இந்த விபத்தில் கோபி பலத்த காயமடைந்தாா்.

இதையடுத்து, விழுப்புரம் மாவட்ட அரசு மருத்துவக் கல்லூரி மருத்துவமனையில் அனுமதிக்கப்பட்ட கோபி, அங்கு திங்கள்கிழமை அதிகாலை உயிரிழந்தாா். இதுகுறித்த புகாரின்பேரில், விழுப்புரம் தாலுகா போலீஸாா் வழக்குப் பதிந்து விசாரிக்கின்றனா்.