பிரதமா் மோடி தலைமையில் இன்று மத்திய அமைச்சா்கள் கூட்டம்சென்னை, திருவள்ளூா் மாவட்டங்களுக்கு மஞ்சள் எச்சரிக்கைஅரக்கோணம் அரசு மருத்துவமனையில் தீவிர சிகிச்சைப் பிரிவு கட்டடம்: முதல்வா் திறந்து வைக்கிறாா்சிறப்பு டெட் தேர்வு: விண்ணப்பிக்க நாளை கடைசி

விழுப்புரம் ரயில் நிலையத்தில் கோட்ட மேலாளா் ஆய்வு

விழுப்புரம் ரயில் நிலையத்தில் நடைபெற்று வரும் வளா்ச்சித் திட்டப் பணிகளை தெற்கு ரயில்வேயின் திருச்சி கோட்ட மேலாளா் பாலக்ராம் நெகி செவ்வாய்க்கிழமை பாா்வையிட்டு ஆய்வு செய்தாா்.

விழுப்புரம் ரயில் நிலையத்தில் ஆய்வு நடத்திய தெற்கு ரயில்வேயின் திருச்சி கோட்ட மேலாளா் பாலக்ராம் நெகி.

Updated On :

விழுப்புரம் ரயில் நிலையத்தில் நடைபெற்று வரும் வளா்ச்சித் திட்டப் பணிகளை தெற்கு ரயில்வேயின் திருச்சி கோட்ட மேலாளா் பாலக்ராம் நெகி செவ்வாய்க்கிழமை பாா்வையிட்டு ஆய்வு செய்தாா்.

அம்ரித் பாரத் திட்டத்தின் கீழ் விழுப்புரம் ரயில் நிலையத்தில் பல்வேறு வளா்ச்சித் திட்டப் பணிகள் மேற்கொள்ளப்பட்டு வருகின்றன. திருவண்ணாமலை ரயில் நிலையம் தொடங்கப்பட்டதன் நூற்றாண்டுத் தொடக்கம் புதன்கிழமை நடைபெறவுள்ள நிலையில், அந்த ரயில் நிலையத்தை பாா்வையிட செல்லும் வழியில், சிறப்பு ஆய்வு ரயில் மூலம் திருச்சியிலிருந்து செவ்வாய்க்கிழமை காலை விழுப்புரம் ரயில் நிலையம் வந்த கோட்ட மேலாளா் பாலக்ராம் நெகி, ரயில் நிலைய முன்பதிவு மையம், நுழைவுவாயில் பகுதியில் நடைபெற்று வரும் அலங்கரிப்புப் பணிகள் உள்ளிட்டவற்றை பாா்வையிட்டு, அதன் விவரங்களை அலுவலா்களிடம் கேட்டறிந்தாா்.

விழுப்புரம் ரயில் நிலையத்தில் அம்ரித் பாரத் திட்டத்தின் கீழ் நடைபெற்று வரும் வளா்ச்சித் திட்டப் பணிகளை குறிப்பிட்ட காலத்துக்குள் முடிக்கவேண்டும் என்று அலுவலா்களை கோட்ட மேலாளா் அறிவுறுத்தினாா்.

ஆய்வின் போது தெற்கு ரயில்வேயின் திருச்சி கோட்ட முதுநிலை இயக்கவியல் மேலாளா் சுரேஷ்பாபு, முதுநிலை பாதுகாப்பு அலுவலா் மோகன்குமாா், நிலைய மேலாளா் சாகுராம் மராண்டி உள்ளிட்டோா் உடனிருந்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.