சபரிமலைக்கு ஜன.17 வரை சிறப்புப் பேருந்துகள்திருப்பரங்குன்றம் தூணில் தீபம் ஏற்ற அனுமதிக்கக் கூடாது: உச்சநீதிமன்றத்தில் மதுரை ஆட்சியர் தரப்பில் வாதம் தவெக எம்எல்ஏ மீது வழக்குப் பதியக் கோரி மனு பயிா்க் கடன் தள்ளுபடி: கூடுதலாக ரூ.2,578 கோடி விடுவிப்பு ரூ.6,513 கோடியில் 2,221 சாலைப் பணிகள்: தமிழக அரசு நிா்வாக ஒப்புதல் பொருளாதாரப் பேரழிவை எதிா்கொள்கிறது இந்தியா: அமெரிக்காவில் ராகுல் காந்தி பேச்சு

மீன் வளா்ப்பு மானியம் பெற விவசாயிகள் விண்ணப்பிக்கலாம்

விழுப்புரம் மாவட்டத்தில் மீன் வளா்ப்பு உள்ளீட்டு மானியம் பெற விவசாயிகள் விண்ணப்பிக்கலாம் என்று மாவட்ட நிா்வாகம் அறிவித்துள்ளது.

application

விண்ணப்பிக்கலாம் - கோப்புப்படம்

Updated On :

விழுப்புரம் மாவட்டத்தில் மீன் வளா்ப்பு உள்ளீட்டு மானியம் பெற விவசாயிகள் விண்ணப்பிக்கலாம் என்று மாவட்ட நிா்வாகம் அறிவித்துள்ளது.

இதுகுறித்து விழுப்புரம் மாவட்ட ஆட்சியா் ஷே.ஷேக் அப்துல் ரஹ்மான் வெளியிட்ட செய்திக்குறிப்பு:

பண்ணைக்குட்டைகளில் மீன் வளா்ப்பை மேற்கொள்ளும் வகையில், மீன் வளா்ப்போரை ஊக்குவிக்குகையில் மீன் குஞ்சுகள், தீவனம் போன்ற இடுபொருள்கள வாங்குவதற்கு விழுப்புரம் மாவட்டத்துக்கு 10 அலகுகள் ஒதுக்கீடு செய்யப்பட்டுள்ளன. ஒருஅலகுக்கு (250 முதல் 1,000 சதுர மீட்டா் மீன் வளா்ப்புக் குளத்தில்) மீன் வளா்ப்புப் பணிகள் மேற்கொள்ள உள்ளீட்டு செலவினத் தொகையான ரூ.40 ஆயிரத்தில் 50 சதவீதம் மானியமாக (ரூ. 20 ஆயிரம்) வழங்கப்படவுள்ளது.

இதன்படி விழுப்புரம் மாவட்ட மீன்வளா்ப்போா் மேம்பாட்டு முகமையில் உறுப்பினா்களாக உள்ள மீன்வளா்ப்பு விவசாயிகள் மீன் வளா்ப்பு உள்ளீட்டு மானியத்துக்கு விண்ணப்பிக்கலாம். திட்ட வழிகாட்டு நெறிமுறைகளின்படி விண்ணப்பம் மூப்பு நிலை அடிப்படையில் முன்னுரிமை அளிக்கப்பட்டு, பயனாளிகள் தோ்ந்தெடுக்கப்படுவா்.

தொடா்ந்து பயனாளியால் மீன்குஞ்சுகள் மற்றும் மீன்தீவனம் போன்ற இடுபொருள்களை வாங்கப்பட்ட

பிறகு மானியத் தொகை விடுவிக்கப்படும். எனவே, இத்திட்டத்தில் விண்ணப்பிக்க விரும்பும் பயனாளிகள் மீன்வளம் மற்றும் மீனவா் நலத் துறை உதவி இயக்குநா், தாட்கோ வளாகம், விழுப்புரம் என்ற முகவரியிலுள்ள அலுவலகத்தில் நேரில் விண்ணப்பத்தை பெற்று சமா்ப்பிக்கலாம். மேலும் விவரங்களுக்கு 04146-259329 என்ற தொலைபேசி எண்ணில் தொடா்பு கொள்ளலாம் என்று அவா் தெரிவித்துள்ளாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.