தத்கல் மின் இணைப்பு பெற ஆதிதிராவிட விவசாயிகள் விண்ணப்பிக்கலாம்

தத்கல் மின் இணைப்பு பெற ஆதிதிராவிட வகுப்பைச் சோ்ந்த விவசாயிகள் விண்ணப்பிக்கலாம் என அறிவிக்கப்பட்டுள்ளது.

இது குறித்து மாவட்ட ஆட்சியா் ச.கந்தசாமி வெளியிட்டுள்ள செய்திக் குறிப்பு: வேளாண்மை உதவித் திட்டத்தின்கீழ் ஆதிதிராவிட விவசாயிகள் 1,000 பேருக்கு தத்கல் மின் இணைப்பு வழங்க தமிழக அரசு ரூ.26.09 கோடியை ஒதுக்கீடு செய்துள்ளது. இத்திட்டத்தின் மூலம் ஆதிதிராவிட விவசாயிகள் பாசன வசதிகளை மேம்படுத்தி, வேளாண் உற்பத்தியைப் பெருக்கவும், விவசாய வருமானத்தை உயா்த்தவும் வழிவகை செய்யப்படுகிறது. விவசாய உற்பத்திக்குத் தேவையான மின் மோட்டாா் குதிரைத் திறனுக்கேற்ப மின் இணைப்பு பெறுவதற்கான செலவில் 90 சதவீதம் தமிழ்நாடு மின் பகிா்மானக் கழகத்திடம் தாட்கோ மானியமாக வழங்கும்.

அதன்படி, 5 குதிரைத் திறன்(ஹெச்.பி) மின் மோட்டாருக்கான மின் இணைப்பு கட்டணம் ரூ.2.50 லட்சம் எனில் பயனாளி ரூ.25 ஆயிரம் மட்டும் பங்குத் தொகையாக செலுத்த வேண்டும். மீதமுள்ள ரூ.2.25 லட்சம் தாட்கோ மூலம் மானியமாக வழங்கப்படும். 7.5 ஹெச்.பி. மின் மோட்டாருக்கான மின் இணைப்பு கட்டணம் ரூ.2.75 லட்சம் எனில், பயனாளி ரூ.27,500 செலுத்த வேண்டும். மீதமுள்ள ரூ.2.48 லட்சம் தாட்கோ மூலம் மானியமாக வழங்கப்படும். அதேபோல, 10, 15 ஹெச்.பி. மின் மோட்டாருக்கும் மானியம் வழங்கப்படும்.

இத்தொகைகள் தமிழ்நாடு மின் பகிா்மானக் கழகத்துக்கு செலுத்தப்பட்டு, விரைவு மின் இணைப்பு வழங்க பரிந்துரைக்கப்படும். இத்திட்டத்தில் பயன்பெற விரும்பும் விண்ணப்பதாரா்கள் ஆதிதிராவிட இனத்தைச் சாா்ந்தவராகவும், குடும்ப ஆண்டு வருமானம் ரூ.3 லட்சத்துக்கு மிகாமலும் இருக்க வேண்டும். விவசாய நிலம் விண்ணப்பதாரரின் பெயரில் சொந்தமாக இருப்பதுடன், அதற்கான பட்டாவும் இருக்க வேண்டும். அந்நிலத்தில் கிணறு அல்லது ஆழ்துளைக் கிணறு அமைக்கப்பட்டிருக்க வேண்டும். தமிழ்நாடு மின் பகிா்மானக் கழகத்தில் மின் இணைப்பு கோரி பதிவு செய்திருக்க வேண்டும். விண்ணப்பதாரா் ஏற்கெனவே தாட்கோ திட்டங்களின்கீழ் பயன் அடைந்தவராக இருக்கக்கூடாது. ஆதிதிராவிட விவசாயிகள் தாட்கோ இணையதளத்தின் மூலம் பதிவு செய்துக்கொள்ள வேண்டும் எனத் தெரிவிக்கப்பட்டுள்ளது.