சாலை விபத்தில் தொழிலாளி உயிரிழப்பு

விழுப்புரம் மாவட்டம், திருவெண்ணெய்நல்லூா் அருகே சாலையோரத்தில் உள்ள தடுப்புச் சுவரில் பைக் மோதியதில் காயமடைந்த தொழிலாளி மருத்துவமனையில் அனுமதிக்கப்பட்டு உயிரிழந்தாா்.

திருவெண்ணெய்நல்லூா் வட்டம், சிறுவானூா், பள்ளிக்கூடத் தெருவைச் சோ்ந்தவா் ச.வீரன்(36). விழுப்புரத்தில் உள்ள தேநீா் கடையில் மாஸ்டராக வேலைப்பாா்த்து வந்தாா். இவா், அக். 2-ஆம் தேதி இரவு தனது பணியை முடித்து விட்டு வழக்கம்போல் பைக்கில் வீட்டுக்குச் சென்றுகொண்டிருந்தாா். விழுப்புரம்- திருவெண்ணெய்நல்லூா் சாலையில், சிறுவானூா் பகுதியில் சென்றபோது, சாலையோரத்திலிருந்த தடுப்புச் சுவரில் பைக் மோதியது.

இதில் பலத்த காயமடைந்த வீரனை அருகிலிருந்தவா்கள் மீட்டு விழுப்புரம் மாவட்ட அரசு மருத்துவக் கல்லூரி மருத்துவமனைக்கு அனுப்பி வைத்தனா். அங்கு அவா் சனிக்கிழமை உயிரிழந்தாா். இதுகுறித்த புகாரின் பேரில் திருவெண்ணெய்நல்லூா் போலீஸாா் வழக்குப் பதிவு செய்து, விசாரணை நடத்தி வருகின்றனா்.