மாணவருக்கு பாலியல் தொந்தரவு அளித்தவா் கைது

கள்ளக்குறிச்சி மாவட்டம், உளுந்தூா்பேட்டை அருகே மாணவருக்கு பாலியல் தொந்தரவு அளித்தவரை போலீஸாா் கைது செய்தனா்.

உளுந்தூா்பேட்டை வட்டம், உளுந்தாண்டாா்கோவில் மாரியம்மன் கோயில் தெருவைச் சோ்ந்தவா் ரா. விசுவநாதன் (30). இவா், ஏழாம் வகுப்பு படித்து வரும் மாணவா் ஒருவருக்கு கடந்த 2 நாள்களுக்கு முன்பு பாலியல் தொந்தரவு அளித்துள்ளாா். இதை வெளியில் கூறினால் அடிப்பேன் என்றும் மிரட்டினாராம்.

இந்நிலையில், பாதிக்கப்பட்ட மாணவா் செவ்வாய்க்கிழமை இரவு தனது தாயாரிடம் தனக்கு நிகழ்ந்தவற்றை கூறியுள்ளாா். இதையடுத்து பாதிக்கப்பட்ட மாணவரின் தாய், காவல் கட்டுப்பாட்டு அறைக்கு தகவல் தெரிவித்து, தனது மகனை சிகிச்சைக்காக உளுந்தூா்பேட்டை அரசு மருத்துவமனையில் அனுமதித்தாா்.

இதுகுறித்து உளுந்தூா்பேட்டை போலீஸாா் வழக்குப் பதிவு செய்து, விசாரணை நடத்தி விசுவநாதனை புதன்கிழமை கைது செய்தனா்.