37 வயதாகும் எனது மகனுக்கு 5 வருடங்களுக்கும் மேலாக திருமணத்திற்கு முயற்சித்து வருகிறேன். இதுவரை பெண் அமையவில்லை. நிறைய பரிகாரம் செய்துள்ளோம். எப்போது திருமணம் நடைபெறும்? எத்தகைய பெண் அமையும்? - வாசகர், மடிப்பாக்கம்

உங்கள் மகனுக்கு மிதுன லக்னம், மீன ராசி, பூரட்டாதி நட்சத்திரம். களத்திர நட்பு மற்றும் தொழில் ஸ்தானாதிபதியான குருபவகான் மூன்றாம் வீட்டில் அமர்ந்து களத்திர ஸ்தானத்தையும் அங்கு அமர்ந்திருக்கும் தைரிய ஸ்தானாதிபதியையும் பார்வை செய்கிறார். அதேநேரம் களத்திர ஸ்தானாதிபதி அசுபக்கிரகங்களுடன் இணைந்திருப்பது குறை. மற்றபடி தற்சமயம் ஆறாம் வீட்டில் மறைந்து இருக்கும் லக்ன, சுகாதிபதியான புதபகவானின் தசை நடப்பது சிறப்பாகும். அவருக்கு அடுத்த ஆண்டு அக்டோபர் மாதத்திற்குள் சமதோஷமுள்ள பெண் தெற்கு திசையிலிருந்து அமைந்து திருமணம் கைகூடும். நீங்கள் இதுவரை செய்துள்ள பரிகாரங்கள் சரியானது மற்றும் போதுமானது.