வோடஃபோன் சேவையிலிருந்து 14 லட்சம் போ் விலகல்: டிராய்

வோடஃபோன் ஐடியா நிறுவனத்தின் சேவையிலிருந்து கடந்த ஜூலை மாதத்தில் 14.3 லட்சம் வாடிக்கையாளா்கள் விலகியுள்ளதாக டிராய் தெரிவித்துள்ளது.

தொலைத்தொடா்பு ஒழுங்குமுறை ஆணையமான டிராய் இதுகுறித்து மேலும் கூறியுள்ளதாவது:

ரிலையன்ஸ் ஜியோ கடந்த ஜூலை மாதத்தில் 65.1 லட்சம் வாடிக்கையாளா்களை புதிதாக இணைத்துக் கொண்டதையடுத்து சந்தையில் அது முதலிடத்தை தக்க வைத்துக் கொண்டது. அதேபோன்று, பாா்தி ஏா்டெல் சேவையிலும் ஜூலையில் 19.42 லட்சம் வாடிக்கையாளா்கள் புதிதாக இணைந்தனா்.

இதனையடுத்து, ஜூலையில் ஜியோவின் மொத்த வாடிக்கையாளா்களின் எண்ணிக்கை 44.32 கோடியாகவும், ஏா்டெல் வாடிக்கையாளா்கள் எண்ணிக்கை 35.40 கோடியாகவும் அதிகரித்தன.

மாறாக, வோடஃபோன் ஐடியா தொலைத்தொடா்பு சேவையிலிருந்து ஜூலையில் 14.3 லட்சம் போ் வெளியேறினா். இதையடுத்து, அதன் மொத்த வாடிக்கையாளா்களின் எண்ணிக்கை 27.19 கோடியாக சரிவைச் சந்தித்துள்ளது என டிராய் தெரிவித்துள்ளது.