செய்தி மடல்
இ-பேப்பர்
/
‘நினைத்தாலே இனிக்கும்’ டிரைலரை கமல்ஹாசன் வெளியிடுகிறார். 1979ம் ஆண்டு கே.பாலசந்தர் இயக்கத்தில் வெளியாகி மாபெரும் வெற்றிபெற்ற படம் ‘நினைத்தாலே இனிக்கும்’ .
கமல்ஹாசன், ரஜினிகாந்த், ஜெயப்பிரதா, கீதா மற்றும் பலர் நடித்திருக்கும் இந்தப் படத்திற்கு எம்.எஸ்.விஸ்வநாதன் இசையமைத்திருந்தார். இப்படத்தின் பெரும்பகுதி சிங்கப்பூரில் படமாக்கப்பட்டது. இந்நிலையில் ஆண்டுகள் பல கடந்து ‘நினைத்தாலே இனிக்கும்’ திரைப்படம் மீண்டும் திரைக்கு வருகிறது.
அதுவும் டிஜிட்டல் தொழில்நுட்பத்தில், சினிமாஸ்கோப்பில், டிடிஎஸ் ஒலியமைப்பில் மாற்றப்பட்டு இப்படம் வெளியாகவிருக்கிறது. இதன் டிரைலர் வெளியீட்டு விழா வரும் 13ம் தேதி வெள்ளிக்கிழமை, சென்னை சத்யம் திரையரங்கில் நடைபெற உள்ளது. கமல்ஹாசன் கலந்து கொண்டு டிரைலரை வெளியிடுகிறார்.
இயக்குனர் கே.பாலசந்தர் , இசையமைப்பாளர் எம்.எஸ்.விஸ்வநாதன் ஆகியோரும் கலந்து கொள்கிறார்கள். ரஜினிகாந்த், கமல்ஹாசன் மீண்டும் இணைந்து நடிக்க மாட்டார்களா என்று ஏங்கித் தவிக்கும் ரசிகர்களுக்கு புதிய தொழில்நுட்பத்தில் வெளியாகும் ‘நினைத்தாலே இனிக்கும்’ நிச்சயம் ஒரு இனிப்பான செய்திதான்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
