பிரபு சாலமன் இயக்கும் கயல்

’மைனா’, ’கும்கி’ போன்ற படங்களின் மூலம் பரபரப்பாக பேசப்பட்ட இயக்குனர் பிரபு சாலமன்.

கடைசியாக இவர் இயக்கிய படதான் கும்கி. இதில் பிரபுவின் மகனை நாயகனாக அறிமுகப்படுத்தியிருந்தார். ’மைனா’, ’கும்கி’ என இரண்டு படங்களும் பெரிய வெற்றி பெற்றதால் பிரபு சாலமன் மீது பெரிய எதிர்பார்ப்பு ஏற்பட்டுள்ளது.

அடுத்ததாக அவர் இயக்கப் போகும் படம் என்னவாக இருக்கும் என்பதுதான் அது. தற்போது அதற்கு விடை கிடைத்துள்ளது. பிரபு சாலமன் இயக்கும் அடுத்தப் படத்திற்கு கயல் என்று தலைப்பு வைத்திருக்கிறார். இதிலும் அவரின் ஆஸ்தான இசையமைப்பாளர் டி.இமான்தான் இசை.

படத்தின் கதாநாயகன், கதாநாயகி மற்றும் தொழில்நுட்ப கலைஞர்களின் தேர்வு தற்போது விறுவிறுப்பாக நடந்து வருகிறது. இந்தப் படத்தின் முதல் லுக் போஸ்டரை நாளை வெளியிட இருக்கிறார்கள்.