ரசிகர்களின் பெரும் வரவேற்பு பெற்ற காக்கா முட்டை படம், விஜய் டிவியில் ஆகஸ்ட் 15 அன்று ஒளிபரப்பாக உள்ளது.
50 லட்சம் பட்ஜெட்டில் உருவாகி, 10 கோடி ரூபாய் வரை வசூல் செய்த காக்கா முட்டை படத்துக்கு தமிழ் சினிமா வரலாற்றில் முக்கிய இடமுண்டு. கமர்ஷியல் அம்சங்கள் இல்லாமல் ஒரு படத்தைச் செய்தால் அதிலிருந்தும் வசூலை அள்ளமுடியும் என்று தமிழ்த் திரையுலகுக்கு எடுத்துக்காட்டியுள்ளது. இந்தப் படம் மிகுந்த நம்பிக்கையளிக்கிறது என்று வசந்த பாலன் தொடங்கி பல தமிழ் சினிமா இயக்குநர்களும் கூறியுள்ளார்கள். பிரபல பாலிவுட் இயக்குநர் கரன் ஜோஹர், ‘காக்கா முட்டை என்ன ஒரு அருமையான படம், நெகிழவைத்துவிட்டது. ஃபாக்ஸ் நிறுவனத்துக்கும் தனுஷூக்கும் வாழ்த்துகள்’ என்று படத்தைப் பாராட்டியது மிகப் பெரிய விளம்பரமாக அமைந்தத. வடமாநிலங்களில் சப்டைட்டிலுடன் வெளியிடப்பட்டதால் வேற்று மொழி பேசும் பலரும் படத்தை ஆர்வத்துடன் பார்த்தார்கள். தமிழில் பல சிறிய, அர்த்தமுள்ள படங்கள் வெளிவருவதற்கு காக்கா முட்டை ஒரு திருப்புமுனையாக அமைந்துள்ளது என்று கூறலாம்.
தனுஷ் மற்றும் வெற்றிமாறன் இருவரது கூட்டுத் தயாரிப்பில் மணிகண்டன் இயக்கத்தில் வெளியான 'காக்கா முட்டை படத்தை ஃபாக்ஸ் ஸ்டார் நிறுவனம் வெளியிட்டது. தமிழ்நாட்டில் மட்டுமில்லாமல் கர்நாடகாவிலும் இதற்கு வரிவிலக்கு கிடைத்தது. தமிழ்நாட்டில் 109 திரையரங்குகள் உள்ளிட்ட இந்தியா முழுக்க 170 திரையரங்குகளில் வெளியானது.
இந்தப் படத்தைத் திரையரங்கில் பார்க்கத் தவறியவர்களுக்கு இன்னொரு வாய்ப்பு: வருகிற ஆகஸ்ட் 15-ம் தேதி காக்கா முட்டை விஜய் டிவியில் ஒளிபரப்பாகவுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.