ரஜினி 171-ல் இணையும் மைக் மோகன், விஜய் சேதுபதி?

வில்லனாக மைக் மோகனும், முக்கிய கதாபாத்திரத்தில் விஜய் சேதுபதியும் நடிக்க பேச்சுவார்த்தை
ரஜினி 171-ல் இணையும் மைக் மோகன், விஜய் சேதுபதி?

நடிகர் ரஜினிகாந்த்தின் 171-வது படத்தில் மைக் மோகன், விஜய் சேதுபது இணையவுள்ளதாக தகவல் வெளியாகியுள்ளது.

ஜெயிலர் பட வெற்றியைத் தொடர்ந்து நடிகர் ரஜினிகாந்த்தின் 171வது படத்திலும் சன் பிக்சர்ஸ் மீண்டும் இணைகிறது. இந்தப் படத்தை லோகேஷ் கனகராஜ் இயக்க, அனிருத் இசையமைக்கிறார். இதற்கான அதிகாரபூர்வ அறிவிப்பை சன் பிக்சர்ஸ் சமீபத்தில் வெளியிட்டிருந்தது. 

இயக்குநர் லோகேஷ் நடிகர் விஜய்யை வைத்து இயக்கிய லியோ திரைப்படம் கலவையான விமர்சனங்களைப் பெற்றாலும் வசூலில் வெற்றிப்படமானது.

தற்போது, ஏப்.22ஆம் தேதி ‘தலைவர் 171’ பெயர் டீசர் வெளியாகும் என அறிவிக்கப்பட்டுள்ளது. இதற்கிடையே, படத்திற்கு ‘கழுகு’ எனப் பெயரிட்டுள்ளதாக சில தகவல்கள் வெளியாகி வைரலாகின.

ரஜினி 171-ல் இணையும் மைக் மோகன், விஜய் சேதுபதி?
வரலட்சுமி சரத்குமாரின் சபரி: வெளியீட்டுத் தேதி!

இந்த நிலையில், ரஜினிக்கு வில்லனாக நடிகர் மைக் மோகன் நடிக்கவுள்ளதாகவும், முக்கிய கதாபாத்திரத்தில் விஜய் சேதுபது நடிக்கவுள்ளதாகவும் தகவல்கள் வெளியாகியுள்ளது.

வெங்கட் பிரபு இயக்கத்தில் நடிகர் விஜய்யின் 68-வது படத்திலும் மைக் மோகன் நடித்துள்ளார்.

ஏற்கெனவே லோகேஷ் கனகராஜ் இயக்கிய மாஸ்டர், விக்ரம் உள்ளிட்ட படங்களில் வில்லனாக விஜய் சேதுபதி நடித்துள்ளார்.

முன்னதாக பாலிவுட் நடிகர்கள் ஷாருக்கான், ரன்வீர் சிங் ஆகியோர் இப்படத்தில் நடிக்கவுள்ளதாக தகவல்கள் வெளியானது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com