வேலையில்லா பட்டதாரி 2: வார இறுதி நாள்களில் அட்டகாச வசூல்!

தாணு மற்றும் தனுஷ் தயாரிப்பில் உருவாகியுள்ள வேலையில்லா பட்டதாரி 2 படத்தை செளந்தர்யா ரஜினிகாந்த் இயக்கியுள்ளார். தனுஷ், அமலா பால், கஜோல் போன்றோர் நடித்துள்ளார்கள். இந்தப் படம் ஜூலை 28-ம் தேதி வெளிவருவதாக முதலில் அறிவிக்கப்பட்டது. பிறகு இப்படத்தின் வெளியீடு தள்ளிவைக்கப்பட்டது. இந்நிலையில் ஆகஸ்ட் 11 அன்று உலகம் முழுக்க 1000 திரையரங்குகளில் வெளியானது.

தமிழில் ஆகஸ்ட் 11 அன்று வெளியான இந்தப் படம் தெலுங்கு மற்றும் ஹிந்தியில் ஆகஸ்ட் 18 அன்று வெளியாகிறது. இதன் ஹிந்திப் பதிப்பு வடஇந்தியாவில் 1600 திரையரங்குகளில் வெளியாகவுள்ளது.

வேலையில்லா பட்டதாரி 2, முதல் மூன்று நாள்களில் ரூ. 24 கோடி வசூலித்துள்ளது. முதல் வாரத்தில் விடுமுறைகளின் காரணமாக எப்படியும் ரூ. 30 கோடி வரை வசூலிக்கும் என எதிர்பார்க்கப்படுகிறது. சென்னை மற்றும் செங்கல்பட்டு பகுதிகளில் மட்டும் முதல் 5 நாள்களில் ரூ. 6.7 கோடி வசூலித்துள்ளதாகத் தயாரிப்பாளர் தாணு கூறியுள்ளார்.