திருமணத்துக்குப் பின் பெயரை மாற்றிக் கொண்டாரா சமந்தா?

நடிகை சமந்தாவுக்கும் நடிகர் நாக சைதன்யாவுக்கும் சமீபத்தில் திருமணம் கோலாகலமாக நடந்து முடிந்தது. சமூக வலைத்தளம் முழுவதும் அவர்களின் திருமணப் புகைப்படங்கள் வைரலாகிக் கலக்கியது.

திருமணம் முடிந்த பின் சமந்தா மற்றும் அவரது மாமனார் நாகார்ஜுனாவின் நடிப்பில் டோலிவுட்டில் நாளை ஒரு படம் வெளியாகிறது. இதில் சமந்தா வழக்கறிஞராக நடித்துள்ளார். Raju Gari Gadhi 2 என்ற இப்படத்துக்கு சமந்தா ரசிகர்களிடையே பெரும் எதிர்ப்பார்ப்பு நிலவி வருகிறது.

திருமணம் முடிந்த சில தினங்களில் சமந்தா தன்னுடைய பெயரை மாற்றிக் கொண்டுள்ளார். சமந்தா ரூத் பிரபு என்றிருந்த தன் பெயரை கணவர் நாக சைதன்யாவின் குடும்ப வழக்கப்படி சமந்தா அக்கினேனி என்று மாற்றிக்கொண்டாராம். இனி அந்தப் பெயரிலேயே அழைப்படுவதை அவர் விரும்புகிறார்.