செக்கச் சிவந்த வானம்: ரசூலாக நடிக்கும் விஜய் சேதுபதி!

மணி ரத்னம் இயக்கத்தில் உருவாகி வரும் செக்கச் சிவந்த வானம் படத்தில் சிம்பு, விஜய் சேதுபதி, அரவிந்த் சாமி, அருண் விஜய், ஜோதிகா, ஐஸ்வர்யா ராஜேஷ், அதிதி ராவ் போன்றோர் நடிக்கிறார்கள். இசை: ஏ.ஆர்.ரஹ்மான். ஒளிப்பதிவு: சந்தோஷ் சிவன், படத்தொகுப்பு: ஸ்ரீகர் பிரசாத். இது மெட்ராஸ் டாக்கீஸ் நிறுவனத்தின் 17-வது தயாரிப்பு. இணைத் தயாரிப்பு - லைகா நிறுவனம் 

இந்தப் படம்  செப்டம்பர் 28 அன்று வெளியாகவுள்ளதாக அதிகாரபூர்வமாக அறிவிக்கப்பட்டுள்ளது. செப்டம்பர் 13 அன்று சீமராஜா-வும் செப்டம்பர் 20 அன்று சாமி 2-வும் செப்டம்பர் 27 அன்று என்னை நோக்கி பாயும் தோட்டாவும் வெளியாகத் திட்டமிடப்பட்டுள்ள நிலையில் செப்டம்பர் 28 அன்று செக்கச் சிவந்த வானம் வெளியாகவுள்ளது. 

இதுவரை அரவிந்த் சாமி, அருண் விஜய் ஆகியோர் நடிக்கும் கதாபாத்திரன் குறித்த போஸ்டர்கள் வெளியிடப்பட்டன.

இந்நிலையில், அனைவரும் எதிர்பார்த்த விஜய் சேதுபதியின் கதாபாத்திரத்தின் பெயரும் முதல் தோற்றத்தின் போஸ்டரும் இன்று வெளியிடப்பட்டுள்ளன. ரசூல் என்கிற கதாபாத்திரத்தில் விஜய் சேதுபதி நடித்துள்ளார்.

இதுவரை வெளியிடப்பட்டுள்ள போஸ்டர்கள்: