உங்கள் காதலைக் கண்டுகொண்டீர்கள்: நயன்தாரா குறித்து டிடி மகிழ்ச்சி! 

லைக்கா நிறுவனம் தயாரித்துள்ள கோலமாவு கோகிலா (கோகோ) படத்தில் கதாநாயகியாக நடித்துள்ளார் நயன்தாரா. கதாநாயகிக்கு முக்கியத்துவம் உள்ள இந்தப் படத்தை நெல்சன் இயக்கியுள்ளார். இசை - அனிருத். 

இந்தப் படம் இன்று வெளியாகியுள்ளது. 

சமீபத்தில், விஜய் டிவி தொலைக்காட்சிக்குப் பேட்டியளித்தார் நடிகை நயன்தாரா.

இந்தப் பேட்டியை எடுத்த தொகுப்பாளர் டிடி என்கிற திவ்யதர்ஷினி ட்விட்டரில் இதுகுறித்துக் கூறியதாவது:

நயன்தாரா என்கிற நடிகை குறித்து நிகழ்ச்சியில் கூறியுள்ளேன். நயன்தாரா என்கிற பெண் குறித்து ஒன்று கூறவேண்டும். நீங்கள் உங்களைக் காதலைக் கண்டுகொண்டீர்கள். இது எனக்கு மிகவும் மகிழ்ச்சியளிகிறது. இப்போது கோலமாவு கோகிலா வசூலில் சாதனை படைக்க வாழ்த்துகள் என்று கூறியுள்ளார்.