தன்னைப் பற்றிய மீமுக்குப் பாராட்டு தெரிவித்த ஜெயம் ரவி!

சக்தி செளந்தர்ராஜன் இயக்கத்தில் ஜெயம் ரவி, நிவேதா பெத்துராஜ் போன்றோர் நடித்துள்ள படம் - டிக் டிக் டிக். ஜெயம் ரவியின் மகன் ஆரவ்-வும் இந்தப் படத்தில் நடித்துள்ளார். இமான் இசையமைத்துள்ள இந்தப் படம் சமீபத்தில் வெளியானது.

இந்நிலையில் ஜெயம் ரவியின் முதல் படமான ஜெயம் படத்தில் கயிற்றில் தொங்குவது போன்ற காட்சியையும் டிக் டிக் டிக் படத்தில் விண்வெளியில் உள்ள காட்சியையும் இணைத்து மீம் ஒன்று வெளியானது. இதைத் தன்னுடைய ட்விட்டர் பக்கத்தில் வெளியிட்டுள்ள ஜெயம் ரவி, என்னுடைய 15 வருட திரை வாழ்க்கை இந்த ஒரு மீமில் விளக்கப்பட்டுள்ளது. நன்றி என்று கூறியுள்ளார்.