

வெற்றிமாறன் இயக்கத்தில், தனுஷ் நடிப்பில் உருவாகி வரும் படம் `வட சென்னை'. இப்படத்தின் ஷூட்டிங் தற்போது முடிவடைந்துள்ளது. ஐஸ்வர்யா ராஜேஷ், ஆண்ட்ரியா நாயகிகளாக நடிக்கும் இந்த படத்தில் இயக்குநர் அமீர், சமுத்திரக்கனி, டேனியல் பாலாஜி, கிஷோர், கருணாஸ், பவான், சுப்ரமணியன் சிவா, சீனு மோகன், டேனியல் அனி போப் உள்ளிட்ட பலரும் முக்கிய கதாபாத்திரங்களில் நடித்துள்ளனர். சந்தோஷ் நாராயணன் இசையமைக்கும் இந்த படத்தை வுண்டர்பார் பிலிம்ஸ் மற்றும் லைகா புரொடக்ஷன்ஸ் இணைந்து தயாரித்துள்ளது.
இப்படத்தின் போஸ்ட் புரொடக்ஷன்ஸ் வேலைகள் தீவிரமாக நடந்துவரும் நிலையில், படத்தை ஜூன் மாதம் வெளியிட படக்குழுவினர் முடிவு செய்துள்ளனர். இந்நிலையில், அதற்கு முன்னதாக படத்தின் பர்ஸ்ட் லுக் போஸ்டரை மகளிர் தினத்தை முன்னிட்டு வருகிற மார்ச் 8-ம் தேதி வெளியிட இருப்பதாக நடிகர் தனுஷ் அவரது ட்விட்டரில் தெரிவித்துள்ளார். 'மூன்று வருட கடுமையான உழைப்பிற்கு பின் ... வட சென்னை முதல் விளம்பர அறிக்கை .. வரும் வியாழன் 8 ஆம் தேதியன்று' என தனுஷ் தெரிவித்துள்ளார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.