‘இரும்புத்திரை’ இயக்குநருடன் கைகோர்த்த சிவகார்த்திகேயன்!

விஷால், சமந்தா நடிப்பில் சமீபத்தில் வெளிவந்த வெற்றிப் படம் - இரும்புத்திரை. 

இப்படத்தின் இயக்குநர் மித்ரனின் அடுத்தப் படத்தில் கதாநாயகனாக நடிக்கிறார் சிவகார்த்திகேயன். 24 ஏஎம் ஸ்டூடியோஸ் இப்படத்தைத் தயாரிக்கிறது. அடுத்த வருடம் முதல் படப்பிடிப்பு தொடங்கவுள்ளது.

தற்போது இரு படங்களில் நடித்துவருகிறார் சிவகார்த்திகேயன். இன்று நேற்று நாளை படத்தை இயக்கிய ரவிக்குமாரின் அடுத்தப் படத்தில் சிவகார்த்திகேயன் நடித்து வருகிறார். இந்தப் படத்துக்கு இசை - ஏ.ஆர். ரஹ்மான். ரகுல் ப்ரீத் சிங் கதாநாயகியாக நடிக்கிறார்.

எம். ராஜேஷ் இயக்கும் படத்திலும் சிவகார்த்திகேயன் நடித்துவருகிறார். ஸ்டூடியோ க்ரீன் தயாரிக்கும் இந்தப் படத்தில் சிவகார்த்திகேயன், நயன்தாரா, சதீஷ் போன்றோர் நடிக்கிறார்கள்.