முதல் நாளன்று ரூ. 130 கோடி வசூலித்துள்ள சாஹோ: அதிகாரபூர்வ அறிவிப்பு!

சாஹோ படத்தின் முதல் நாள் வசூலை அதிகாரபூர்வமாக அறிவித்துள்ளது...
முதல் நாளன்று ரூ. 130 கோடி வசூலித்துள்ள சாஹோ: அதிகாரபூர்வ அறிவிப்பு!
Published on
Updated on
1 min read

பாகுபலி புகழ் நடிகர் பிரபாஸின் அடுத்தப் படம், ரூ. 250 கோடியில் உருவாகியுள்ள சாஹோ. தமிழ், தெலுங்கு, ஹிந்தி ஆகிய மொழிகளில் உருவாகியுள்ளது. யூவி கிரியேஷன்ஸ் தயாரித்துள்ள இப்படத்துக்கு இசை - ஷங்கர்-இசான்-லாய். ஷ்ரதா கபூர், ஜாக்கி ஷெராப், நீல் நிதின் முகேஷ், மந்திரா பேடி போன்றோர் நடித்துள்ளார்கள். 

இந்நிலையில் நேற்று வெளியான சாஹோ படத்துக்குக் கிடைத்துள்ள விமரிசனங்கள் அதற்குச் சாதகமாக இல்லை. பலரும் படத்துக்கு எதிர்மறையான விமரிசனங்களை அளித்துள்ள நிலையில் வசூலில் அசத்தியுள்ளது சாஹோ படம். 

முதல் நாளன்று இந்தியாவில் அனைத்து மொழிகளிலும் இதன் வசூல் ரூ. 100 கோடியைத் தாண்டியுள்ளதாகக் கூறப்படுகிறது. ஆந்திராவில் ரூ. 42 கோடியும் தெலங்கானாவில் ரூ. 14 கோடியும் ஹிந்தி மொழியில் இந்தியா முழுக்க ரூ. 24 கோடியும் தமிழ்நாட்டில் ரூ. 4 கோடியும் கர்நாடகாவில் ரூ. 14 கோடியும் வசூலித்துள்ளதாக மதிப்பிடப்படுகிறது. இதன் மூலம் இந்தியாவில் மட்டும் அனைத்து மொழிகளிலும் சேர்த்து ரூ. 100 கோடிக்கும் அதிகமான வசூலை ஈட்டியுள்ளதாகத் தகவல்கள் வெளியாகியுள்ளன. இந்த வருடம் வெளியான ஹிந்திப் படங்களில் இந்தியாவில் அதிகம் வசூலான படங்களின் பட்டியலில் 3-ம் இடத்தைப் பிடித்து அசத்தியுள்ளது. 

இந்நிலையில் இப்படத்தைத் தயாரித்துள்ள யூவி கிரியேஷன்ஸ், சாஹோ படத்தின் முதல் நாள் வசூலை அதிகாரபூர்வமாக அறிவித்துள்ளது. சாஹோ படம் முதல் நாளன்று உலகம் முழுக்க ரூ. 130 கோடி வசூலித்துள்ளதாக அறிவிக்கப்பட்டுள்ளது. 

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads

உடனுக்குடன் செய்திகளை அறிய தினமணி App பதிவிறக்கம் செய்யவும்.

Related Stories

No stories found.
X
Dinamani
www.dinamani.com