சிறந்த நடிகைக்கான விருது பெற்ற தாப்சி!

சிறந்த நடிப்பின் மூலம் சமீபகாலமாகக் கவனம் பெற்று வரும் நடிகை தாப்சி, சிறந்த நடிகைக்கான ஸ்டார் ஸ்கிரீன் விருதைப் பெற்றுள்ளார்.

ஞாயிறு அன்று மும்பையில் ஸ்டார் ஸ்கிரீன் விருது வழங்கும் விழா நடைபெற்றது. அனுராக் காஷ்யப் தயாரித்த இந்த வருடம் வெளியான சாந்த் கி ஆன்க் (Saand Ki Aankh) என்கிற ஹிந்திப் படத்தில் சிறந்த நடிப்புத் திறமையை வெளிப்படுத்தியதற்காக விமரிசகர்களின் தேர்வின் அடிப்படையில் சிறந்த நடிகைக்கான விருது தாப்சிக்கு வழங்கப்பட்டுள்ளது. 

இயக்குநர் துஷார் ஹிராநந்தனி, இனிமேல் எங்களை ஏன் வயதான வேடங்களில் நடிக்க வைத்தீர்கள் என்கிற கேள்விக்கு நீங்கள் பதில் அளிக்க வேண்டியதில்லை. ஸ்டார் ஸ்கிரீன் விருதுக் குழுவினருக்கு நன்றி என்று தாப்சி ட்விட்டரில் கூறியுள்ளார்.