தெலுங்கு நடிகை அனிஷாவைத் திருமணம் செய்யவுள்ளார் விஷால்: அதிகாரபூர்வ அறிவிப்பு! (படங்கள்)

நடிகர் விஷால், தெலுங்கு நடிகை அனிஷா அல்லா ரெட்டியைத் திருமணம் செய்யவுள்ளார். இதற்கான அறிவிப்பை அவர் வெளியிட்டுள்ளார்.

ட்விட்டரில் விஷால் கூறியதாவது: மிகவும் மகிழ்ச்சியாக உள்ளேன். அவருடைய பெயர் அனிஷா அல்லா. அவர் என் காதலுக்கு ஒப்புக்கொண்டுவிட்டார். இப்போது உறுதி செய்யப்பட்டுள்ளது. என் வாழ்வின் மிகப்பெரிய மாற்றம் இது. திருமணத் தேதியை விரைவில் அறிவிக்கிறேன் என்று கூறியுள்ளார். அனிஷாவும் விஷாலுடனான திருமணம் குறித்து பதிவு எழுதியுள்ளார். அர்ஜுன் ரெட்டி, பெல்லி சொப்புலு போன்ற தெலுங்குப் படங்களில் அனிஷா நடித்துள்ளார். 

ஒரு பேட்டியில் விஷால் கூறியதாவது: இந்த வருடம் அனிஷாவைத் திருமணம் செய்யவுள்ளேன். நிச்சயதார்த்தம் மற்றும் திருமணத் தேதிகள் இனிமேல் தான் முடிவு செய்யவேண்டும். இந்த வாரம் வெள்ளிக்கிழமையன்று எங்களுடைய இரு குடும்பங்களும் சந்தித்து அடுத்தக்கட்டம் குறித்து பேசவுள்ளார்கள். இந்த வாரத்துக்குப் பிறகு தேதிகளை அறிவிக்கிறோம் என்று விஷால் கூறியுள்ளார்.