திரையுலகில் 17 வருடங்கள் நிறைவு: தனுஷ் உருக்கம்!

துள்ளுவதோ இளமை படம் வெளிவந்து 17 வருடங்கள் ஆனதையொட்டி தனுஷுக்கு ரசிகர்கள் வாழ்த்துகளைத் தெரிவித்துள்ளார்கள்.

இதையடுத்து தனுஷ் வெளியிட்டுள்ள அறிக்கையில் கூறியதாவது:

அருமை நண்பர்களே, 

துள்ளுவதோ இளமை 2002, மே 10 அன்று வெளியானது. என் வாழ்க்கையை முற்றிலுமாக மாற்றிய நாள். நிஜமாகவே 17 வருடங்கள் ஆனதா? 

இந்த இலக்கில்லா, அவனால் நட்சத்திரமாக அல்ல, ஒரு நடிகனாகக்கூட முடியுமா என்று தெரியாத சிறுவனுக்கு நேற்றுதான் நீங்கள் ஆதரவளித்தது போல உள்ளது. 

என் வாழ்க்கையைத் திரும்பிப் பார்க்கும்போது, என் மீது நீங்கள் நம்பிக்கை வைத்ததற்கு நன்றியுணர்ச்சி பொங்குகிறது. என்னுடைய நல்ல, கெட்ட நேரங்கள், வெற்றி, தோல்விகளில் எனக்கு ஆதரவாக இருந்துள்ளீர்கள். 

நான் மிகச்சரியான மனிதன் அல்லன், ஆனால் உங்களுடைய நிபந்தனையற்ற ஆதரவு - மேலும் என்னை உழைக்க வைத்து முழுத் திறமையை வெளிப்படுத்தத் தூண்டுகிறது. 

17 வருட நிறைவையொட்டி நீங்கள் அனுப்பியுள்ள போஸ்டர்களும் விடியோக்களும் அதிக ஊக்கத்தையும் நேர்மறை எண்ணங்களையும் அளித்துள்ளன. அன்பை மட்டும் அனைவருக்கும் பகிர்வோம். நம்மைப் போன்றவர்கள் அதிகம் கனவு காணக்கூடிய உலகைப் படைப்போம் என்று கூறியுள்ளார்.