ஜெஃப்ரே கீ சின் இயக்கும் ஆங்கிலம் மற்றும் தெலுங்கு என இரு மொழிகளிலும் உருவாகவுள்ள படத்தின் மூலமாக ஹாலிவுட்டுக்கு அறிமுகமாகிறார் நடிகை காஜல் அகர்வால். இப்படத்துக்கு தி கால் செண்டர் என்று பெயரிடப்பட்டுள்ளதாகத் தகவல்கள் வெளியாகியுள்ளன.
இரு மொழிகளிலும் பிரதான கதாபாத்திரத்தில் நடிக்கிறார் காஜல் அகர்வால். தெலுங்குப் பதிப்பில் விஷ்ணு மஞ்சு கதாநாயகனாக நடிக்கிறார். இப்படத்தை அவர் தான் தயாரிக்கிறார்.
ஜெயம் ரவி நடிப்பில் வெளியான கோமாளி படத்தில் நடித்த காஜல் அகர்வால், அடுத்ததாக குயின் படத் தமிழ் ரீமேக்கான பாரிஸ் பாரிஸ் படத்தில் நடித்துள்ளார். இதுதவிர ஷங்கர் - கமல் கூட்டணியில் உருவாகி வரும் இந்தியன் 2 படத்திலும் நடித்து வருகிறார்.