செல்ஃபி எடுத்தவரின் செல்போனைப் பறித்த சல்மான் கான்: வைரலாகும் விடியோ

பாலிவுட் நடிகர் சல்மான் கான் தன்னுடன் செல்ஃபி எடுக்க முயன்ற ரசிகரின் செல்போனை கோபத்துடன் பறித்துச் சென்ற விடியோ சமூக வலைதளங்களில் வைரலாகி வருகிறது.

பாலிவுட் நடிகர் சல்மான் கான் கோவா விமான நிலையத்தில் இருந்து வெளியே வரும்போது, ரசிகர் ஒருவர் அவருடன் செல்ஃபி எடுக்க முயன்றுள்ளார். இதனால் கோபமடைந்த சல்மான் கான் அவருடைய செல்போனைப் பறித்துச் சென்றார். இந்த விடியோ தற்போது சமூக வலைதளங்களில் வைரலாகி வருகிறது.

இதன்பிறகு, செல்ஃபி எடுக்க முயன்ற அந்த நபர் ஒரு விமான நிறுவனத்தில் பணிபுரியும் ஊழியர் என்பது தெரியவந்தது.

இந்தச் சம்பவம் குறித்து கோவா விமான நிலையத்தின் மூத்த அலுவலர் ஒருவர் தெரிவிக்கையில், "இந்தச் சம்பவம் குறித்து விசாரித்து உறுதிபடுத்தியுள்ளோம். இதுதொடர்பாக முறையாகப் புகார் எதுவும் அளிக்கப்படவில்லை. ஆனால், விடியோ வைரலாகிவிட்டது" என்றார்.

விமான நிலைய காவல் ஆய்வாளரைத் தொடர்புகொண்டபோது, முறையாகப் புகார் எதுவும் அளிக்கப்படவில்லை என்றார்.