ரசிகர்கள் எதிர்பார்க்கும் 83 பட வெளியீடு ஒத்திவைப்பு

ஏப்ரல் 10 அன்று வெளிவருவதாக இருந்த 83 படத்தின் வெளியீடு ஒத்திவைக்கப்பட்டுள்ளது.

1983-ம் ஆண்டு கிரிக்கெட்டில் உலகக் கோப்பையை இந்தியா வென்ற கதை ‘83’ என்ற பெயரில் படமாக உருவாகியுள்ளது. கபீா்கான் இயக்கியுள்ள இந்தப் படத்தில், கபில் தேவ் கதாபாத்திரத்தில் ரன்வீா் சிங் நடித்துள்ளார். ஸ்ரீகாந்த் கதாபாத்திரத்தில் ஜீவா நடித்துள்ளார். 83-ஆம் ஆண்டு உலகக் கோப்பை வென்ற இந்திய அணியில் இடம் பெற்ற ஒவ்வொரு வீரரின் கதாபாத்திரங்களிலும் பொருத்தமானவா்களைத் தோ்வு செய்து நடிக்க வைத்துள்ளனா். இந்திய கிரிக்கெட் ரசிகா்கள் மத்தியில் இந்தப் படம் பெரிதும் எதிா்பாா்க்கப்படுகிறது.

ஏப்ரல் 10-ம் தேதி வெளியாவதாக இருந்த இந்தப் படத்தின் வெளியீடு தற்போது தள்ளிவைக்கப்பட்டுள்ளது. கரோனா அச்சுறுத்தல் காரணமாக பட வெளியீடு தள்ளிவைக்கப்பட்டுள்ளதாக அறிவிக்கப்பட்டுள்ளது.