இயக்குநர் செல்வராகவன் மற்றும் கீர்த்தி சுரேஷ் நடிப்பில் அருண் மாதேஸ்வரன் இயக்கத்தில் உருவாகி வந்த 'சாணிக் காயிதம்' படத்தின் படப்பிடிப்பு நிறைவடைந்திருக்கிறது.
'ராக்கி' படத்தை இயக்கிய அருண் மாதேஸ்வரன் ஸ்க்ரீன் சீன் நிறுவனத்தின் தயாரிப்பில் இப்படத்தை இயக்குகிறார். ஆக்சன் , த்ரில்லர் பாணியில் உருவாகி வரும் இப்படத்தின் முதல் பார்வை கடந்த வருடம் வெளியாகி ரசிகர்கள் மத்தியில் நல்ல வரவேற்பைப் பெற்றது.
இதையும் படிக்க : லவ் ஸ்டோரியுடன் சந்திக்க வரும் சாய் பல்லவி!
_.jpeg?w=640&auto=format%2Ccompress)
தமிழ் சினிமாவின் முன்னணி இயக்குநர்களில் ஒருவரான செல்வராகவன் இப்படத்தின் மூலம் அறிமுகம் ஆனாலும் அடுத்ததடுத்த சில படங்களில் நடிக்க இருக்கிறார் என்கிற தகவல் வெளியாகியிருக்கிறது. அதில் விஜய் நடிக்கும் 'பீஸ்ட் ' படத்திலும் முக்கிய கதாபாத்திரம் ஒன்றில் நடிக்கிறார் செல்வராகவன்.
தற்போது 'சாணிக் காயிதம்' படப்பிடிப்பு நிறைவைத் தொடர்ந்து டப்பிங் பணிகள் ஆரம்பமாகி இருப்பதால் அதில் செல்வராகவன் பங்கேற்றிருக்கிறார்.
இப்படத்தை அமேசான் பிரைம் ஓடிடி தளம் வெளியிடுகிறது.