கார்த்திக் நரேன் இயக்கத்தில் தனுஷ் நடிக்கும் படத்தின் படப்பிடிப்பு இன்று முதல் தொடங்கியுள்ளது.
சத்யஜோதி ஃபிலிம்ஸ் தயாரிப்பில் உருவாகும் படத்தில் தனுஷ் கதாநாயகனாக நடிக்கிறார். இயக்கம் - கார்த்திக் நரேன். தனுஷ் 43 என்று தற்காலிகமாக அழைக்கப்படும் இப்படத்தின் கதாநாயகியாக மாளவிகா மோகனன் நடிக்கிறார். சமுத்திரக்கனி, ஸ்மிருதி வெங்கட் போன்றோரும் நடிக்கிறார்கள். இசை - ஜி.வி. பிரகாஷ். இப்படத்தின் கூடுதல் திரைக்கதை மற்றும் வசனங்களை எழுதுகிறார் பிரபல பாடலாசிரியர் விவேக்.
இயக்குநர் கார்த்திக் நரேன் இயக்கிய துருவங்கள் பதினாறு 2016-ல் வெளியானது. பிறகு அவர் இயக்கிய நரகாசுரன் படம் இன்னும் வெளிவராமல் உள்ளது. இதுதவிர நாடக மேடை என்கிற படத்தையும் அவர் இயக்கி வருகிறார். அருண் விஜய், பிரசன்னா, ப்ரியா பவானி சங்கர் நடிப்பில் கார்த்திக் நரேன் இயக்கத்தில் உருவாகியுள்ள மாஃபியா படம் கடந்த பிப்ரவரி மாதம் வெளியானது.
இந்நிலையில் தனுஷ் 43 படத்தின் படப்பிடிப்பு இன்று முதல் தொடங்கியுள்ளது. முதல் நாள் படப்பிடிப்பில் தனுஷ், மாளவிகா, ஸ்மிருதி வெங்கட் போன்றோர் கலந்துகொண்டார்கள்.
