யோகி, வடசென்னை படங்களில் நடித்து பெயர் பெற்றுள்ள இயக்குநர் அமீர், நாற்காலி என்கிற படத்தில் கதாநாயகனாக நடித்துள்ளார்.
முகவரி, காதல் சடுகுடு, தொட்டி ஜெயா போன்ற படங்களை இயக்கிய வி.இசட்.துரை, நாற்காலி படத்தை இயக்கியுள்ளார்.
நாற்காலி படத்தில் அமீர், சாந்தினி ஸ்ரீதரன், ஆனந்தராஜ், ராஜ்கபூர், இமான் அண்ணாச்சி போன்றோர் நடித்துள்ளார்கள். மூன் பிக்சர்ஸ் நிறுவனத்தின் சார்பாக ஆதம் பாவா இப்படத்தைத் தயாரித்துள்ளார்.
இப்படத்துக்கு வித்யாசகர் இசையமைத்துள்ளார். சமீபத்தில் மறைந்த பாடகர் எஸ்.பி.பி., கடைசியாக இப்படத்துக்காக நெஞ்சமுண்டு நேர்மையுண்டு என்கிற பாடலைப் பாடியுள்ளார்.
அரசியல் பின்னணியைக் கொண்ட நாற்காலி படம் மார்ச் மாதம் திரையரங்கில் வெளிவரவுள்ளது.