நானே வருவேன்: தனுஷ் - செல்வராகவன் இணையும் படம்

தனுஷ் - செல்வராகவன் இணையும் படத்துக்கு நானே வருவேன் எனப் பெயரிடப்பட்டுள்ளது.

செல்வராகவன் இயக்கிய துள்ளுவதோ இளமை, காதல் கொண்டேன், புதுப்பேட்டை, மயக்கம் என்ன ஆகிய படங்களில் கதாநாயகனாக நடித்துள்ளார் தனுஷ். அதேபோல செல்வராகவனின் துள்ளுவதோ இளமை, காதல் கொண்டேன், 7 ஜி ரெயின்போ காலனி, புதுப்பேட்டை, என்ஜிகே, செல்வராகவன் இயக்கிய தெலுங்குப் படம் எனப் பல படங்களுக்கு இசையமைத்துள்ளார் யுவன் சங்கர் ராஜா. செல்வராகவன் இயக்கி இன்னும் வெளிவராத நெஞ்சம் மறப்பதில்லை, மன்னவன் வந்தானடி ஆகிய இரு படங்களுக்கும் யுவன் தான் இசை. 

தனுஷ் - செல்வராகவன் - யுவன் கூட்டணி மீண்டும் இணைகிறது. இதற்கான அறிவிப்பை செல்வராகவன் சமீபத்தில் வெளியிட்டார். இப்படத்தைத் தாணு தயாரிக்கிறார். 8-வது முறையாக யுவனுடன் இணைகிறார் செல்வராகவன். ஒளிப்பதிவு - அரவிந்த் கிருஷ்ணா.

இந்நிலையில் தனுஷ் - செல்வராகவன் இணையும் படத்துக்கு நானே வருவேன் எனப் பெயரிடப்பட்டுள்ளது. இதன் இரு போஸ்டர்கள் வெளியிடப்பட்டுள்ளன. படப்பிடிப்பு நடைபெற்று வருவதாகவும் அறிவிக்கப்பட்டுள்ளது.