நடிகை டாப்சி, இயக்குநர் அனுராக் காஷ்யப் வீடுகளில் வருமான வரி சோதனை

நடிகை டாப்சி, இயக்குநர் அனுராக் காஷ்யப் உள்ளிட்ட பாலிவுட் பிரபலங்களின் வீடுகளில் வருமான வரி சோதனை நடைபெற்றுள்ளது. 

பாண்டோம் ஃபிலிம்ஸ் மற்றும் குவான் ஆகிய நிறுவனங்கள் வரி ஏய்ப்பில் ஈடுபட்டதாகவும், வருவாயை மறைத்துள்ளதாகவும் வருமான வரித்துறைக்கு புகாா்கள் வந்தன. அந்தப் புகாா்களின் அடிப்படையில் இரு நிறுவனங்களுடன் தொடர்புடைய நடிகை டாப்சி, இயக்குநர் அனுராக் காஷ்ப் ஆகியோரின் வீடுகளில் வருமான வரி சோதனை நடைபெற்றுள்ளது. மேலும் திரைப்படத் தயாரிப்பாளர் மது மண்டேனா, விகாஷ் பால் ஆகியோரின் வீடுகளிலும் அலுவலகங்களிலும் வருமான வரி சோதனை நடைபெற்றுள்ளது. மும்பை மற்றும் புணே நகர்களில் உள்ள 20 இடங்களில் வருமான வரி சோதனை நடைபெற்றுள்ளதாகத் தகவல்கள் வெளியாகியுள்ளன. 

இயக்குநர் அனுராஜ் காஷ்யப், இயக்குநர் விக்ரமாதித்யா, தயாரிப்பாளர் மது மண்டேனா,  விகாஷ் பால் ஆகிய நால்வரும் இணைந்து 2011-ல் பாண்டோம் ஃபிலிம்ஸ் என்கிற நிறுவனத்தைத் தொடங்கினார்கள். எனினும் கடந்த அக்டோபர் 2018-ல் இந்த நிறுவனம் மூடப்பட்டது.