கவனக்குறைவாக இருந்தேன்: விடியோவில் கரோனா பாதிப்பைத் தெரிவித்த நடிகர் சென்றாயன்

பிக் பாஸ் புகழ் சென்றாயனுக்கு கரோனா வைரஸ் பாதிப்பு உறுதியாகியுள்ளது.

விஜய் தொலைக்காட்சியில் ஒளிபரப்பாகும் பிபி ஜோடிகள் நிகழ்ச்சியில் பங்கேற்ற கேப்ரியல்லா, ஆஜித் ஆகிய இருவருக்கும் கரோனா பாதிப்பு ஏற்பட்டுள்ளது. இந்நிலையில் அதே நிகழ்ச்சியில் பங்கேற்ற நடிகர் சென்றாயனுக்கும் கரோனா பாதிப்பு உறுதியாகியுள்ளது.

இதுபற்றி வெளியிட்ட விடியோவில் சென்ராயன் கூறியதாவது:

வாழ்க்கையில் எல்லாவற்றையும் நான் பாசிடிவ்வாக தான் பார்ப்பேன். இப்போது கரோனா பாசிடிவ் ஆகிவிட்டது. ஆரம்பத்தில் நான் கவனக்குறைவாக இருந்தேன். இப்போது எனக்கே பாதிப்பு நேர்ந்துவிட்டது. எனவே அனைவரும் கவனமாக இருங்கள். 

இப்போது என் வீட்டில் தனிமைப்படுத்தப்பட்டுள்ளேன். என் மனைவியும் குழந்தையும் பக்கத்து அறையில் பாதுகாப்பாக இருக்கிறார்கள். அவ்வப்போது மனைவி சாப்பாடு கொண்டு வந்து தருகிறார். கரோனா நாம் நினைப்பது போல் இல்லை. அபாயகரமானது என்றார்.