'சார்பட்டா பரம்பரை' பற்றி அன்றே பேசிய நடிகர் நாகேஷ் - விடியோ பகிரும் ரசிகர்கள்

பழைய படம் ஒன்றில் நடிகர் நாகேஷ், சார்பட்டா பரம்பரை குறித்து பேசியிருக்கும் விடியோ காட்சிகள் வைரலாகி வருகிறது. 

பா.ரஞ்சித் இயக்கத்தில் ஆர்யா நடித்து சமீபத்தில் அமேசான் பிரைமில் வெளியாகி மாபெரும் வரவேற்பை பெற்ற படம் 'சார்பட்டா பரம்பரை'. இந்தப் படத்துக்கு சந்தோஷ் நாராயணன் இசையமைக்க, முரளி ஒளிப்பதிவு செய்துள்ளார். 

இதையும் படிக்க | தமிழில் அறிமுகமாகும் நடிகையை வாழ்த்திய ரஜினிகாந்த், லதா ரஜினிகாந்த் 

இந்தப் படத்தில் ஆர்யாவுக்கு ஜோடியாக துஷாரா விஜயன் நடிக்க, பசுபதி, ஐான் விஜய், கலையரசன், சஞ்சனா, ஐான் கொக்கேன், அனுபமா உள்ளிட்ட பெரும் நட்சத்திர பட்டாளமே நடித்துள்ளனர். இந்தப் படத்தைப் பாராட்டி பிரபலங்கள் பலரும் சமூக வலைதளங்களில் கருத்து தெரிவித்து வருகின்றனர். 

1970களில் சார்பட்டா பரம்பரைக்கும் இடியப்ப பரம்பரைக்கும் இடையேயான குத்துச்சண்டை போட்டியில் யார் வெல்கிறார்கள் என்பது தான் படத்தின் கதை.

இதையும் படிக்க| சூர்யா படத்தில் அறிமுகமாகும் நடிகர் அருண் விஜய்யின் மகன் (புகைப்படம்)

இந்த நிலையில் நடிகர் நாகேஷ் சார்பட்டா பரம்பரை குறித்து பேசும் பழைய விடியோ சமூக வலைதளங்களில் வைரலாகி வருகிறது. இந்த விடியோவில் சார்பட்டா பரம்பரைக்கும் இடியப்ப நாயக்க பரம்பரைக்கும் சண்டை என்பது போல் வசனம் பேசுகிறார். இதனை அன்றே கணித்தார் நாகேஷ் என இந்த விடியோவை ரசிகர்கள் கருத்து தெரிவித்து வருகின்றனர்.