சன் பிக்சர்ஸ் தயாரிப்பில் நெல்சன் இயக்கத்தில் விஜய் நடித்துள்ள பீஸ்ட் திரைப்படம் வருகிற 13 ஆம் தேதி திரைக்குவரவிருக்கிறது. இந்தப் படத்தின் தமிழ், ஹிந்தி டிரெய்லர்கள் ஏற்கனவே வெளியான நிலையில் இந்தப் படத்தின் தெலுங்கு டிரெய்லர் தற்போது வெளியாகியுள்ளது.
இந்த டிரெய்லர் தங்களை கவர்ந்துள்ளதாக தெலுங்கு ரசிகர்கள் கருத்து தெரிவித்து வருகின்றனர். பீஸ்ட் படத்துடன் தெலுங்கில் வேறு எந்த படங்களும் வெளியாகாததால் பீஸ்ட் படத்துக்கு ஆந்திரா மற்றும் தெலங்கானா பகுதிகளில் நல்ல வரவேற்பு இருக்கும் என்று எதிர்பார்க்கப்படுகிறது. மேலும் பூஜா ஹெக்டே தெலுங்கில் பிரபலமான நாயகி என்பதும் குறிப்பிடத்தக்கது.
முன்னதாக பீஸ்ட் ஹிந்தி டிரெய்லரை பகிர்ந்த வருண் தவான் தான் ஒரு பெரிய விஜய் ரசிகன் என்றார். அனிருத் இசையில் அரபிக் குத்து மற்றும் ஜாலியோ ஜிம்கானா பாடல்கள் இந்திய அளவில் டிரெண்டானது. ஹிந்தி நட்சத்திரங்கள் அரபிக் குத்து பாடலுக்கு நடனமாடி விடியோ பகிர்ந்திருந்தனர் என்பது குறிப்பிடத்தக்கது.