ஷாருக்கான் - அட்லி திரைப்படத்தின் வெளியீட்டுத் தேதி அறிவிப்பு

அட்லி இயக்கத்தில் ஷாருக்கான் நடிப்பில் உருவாகி வரும்  ‘ஜவான்’ திரைப்படத்தின் வெளியீட்டுத் தேதி குறித்த அறிவிப்பு வெளியாகியுள்ளது.

ராஜா ராணி, தெறி, மெர்சல், பிகில் ஆகிய படங்களை இயக்கிய அட்லி அடுத்ததாக ஹிந்திப் படத்தை இயக்கி வருகிறார். 

ஷாருக் கான் நடிக்கும் இப்படத்தில் நயன்தாரா கதாநாயகியாக நடிக்கிறார்.

இந்தப் படத்தின் பெயர் குறித்து எந்த தகவலும் வெளியாகாமல் இருந்தது. இந்நிலையில், டீசர் குறித்த சென்சார் தகவலில் படத்தின் பெயர் ‘ஜவான்’ என தெரியவந்தது. 

தற்போது, ஜவான் திரைப்படம் அடுத்த ஆண்டு (2023) ஜுன் 2 ஆம் தேதி தமிழ், ஹிந்தி, மலையாளம், தெலுங்கு மற்றும் கன்னட மொழிகளில் வெளியாக இருப்பதாக படத்தின் இயக்குநர் அட்லீ தெரிவித்துள்ளார்.