கே.எஸ்.ரவிக்குமார் இயக்கத்தில் ராகவா லாரன்ஸின் தம்பி எல்வின் நாயகனாக நடிக்கும் படத்தின் படப்பிடிப்பு பூஜையுடன் துவங்கியது.
நடன இயக்குநராக இருந்து நடிகர், இயக்குநர் என கலக்கிக்கொண்டிருக்கிறார் ராகவா லாரன்ஸ். ருத்ரன் என்ற படத்தில் நடித்துமுடித்துள்ள அவர் அடுத்ததாக சந்திரமுகி 2 படத்தில் நடித்துவருகிறார். வாசு இயக்கும் இந்தப் படத்தில் வடிவேலுவும் நடிக்கிறார்.
இந்த நிலையில் ராகவா லாரன்ஸின் தம்பி எல்வினும் நாயகனாக அறிமுகமாகவிருக்கிறார். டிரிடெண்ட் ஆர்ட்ஸ் நிறுவனம் தயாரிக்கும் இந்தப் படத்தை கே.எஸ்.ரவிக்குமார் இயக்குகிறார்.
இதையும் படிக்க | நடிகர் விஜய்க்கு கடைசியாக அனுப்பிய வாட்ஸ் ஆப் செய்தி - மாளவிகா தகவல்
இந்தப் படத்தின் படப்பிடிப்பு பூஜையுடன் இன்று(ஜூன் 25) துவங்கியது. இதனை தனது ட்விட்டர் பக்கத்தில் பகிர்ந்த ராகவா லாரன்ஸ், தனது தம்பியை வாழ்த்துமாறு மக்களிடம் கோரிக்கைவிடுத்துள்ளார்.
கடைசியாக பாலகிருஷ்ணா நடிப்பில் ரூலர் என்ற படத்தை இயக்கிய கே.எஸ்.ரவிக்குமார், 3 ஆண்டுகளுக்கு பிறகு மீண்டும் இயக்குநராக களமிறங்கவுள்ளார். தமிழில் லிங்கா படத்துக்கு பிறகு இவர் இயக்கும் படம் என்பதால் இந்தப் படத்தின் மீதான எதிர்பார்ப்பு அதிகரித்துள்ளது.