அதிரடி சண்டைக்காட்சியுடன் அறிமுகமாகும் சரவணா ஸ்டோர்ஸ் சரவணன்: 'தி லெஜண்ட்' பட போஸ்டர்

தனது கடை விளம்பரங்களின் மூலம் ரசிகர்களிடையே பிரபலமானவர் சரவணா ஸ்டோர்ஸ் சரவணன். இவர் தற்போது ஜேடி - ஜெர்ரி என்ற இரட்டை இயக்குநர்கள் இயக்கத்தில் 'தி லெஜண்ட்' படத்தில் நடித்து வருகிறார். 

இந்தப் படத்துக்கு ஹாரிஸ் ஜெயராஜ் இசையமைக்கிறார். சரவணனுக்கு ஜோடியாக ரித்திகா திவாரி என்பவர் நடிக்கிறார். மறைந்த நடிகர் விவேக் மற்றும் யோகி பாபு ஆகியோர் முக்கிய வேடங்களில் நடித்துள்ளனர். 

இதையும் படிக்க | வரலாற்று படமாக உருவாகிறதா மாமன்னன்? : உதயநிதி - மாரி செல்வராஜ் கூட்டணியின் பிரம்மாண்ட படத்தின் நடிகர்கள் அறிவிப்பு

இந்தப் படத்துக்கு வேல்ராஜ் ஒளிப்பதிவு செய்ய, ரூபன் படத்தொகுப்பு பணிகளை மேற்கொண்டுள்ளார். அனல் அரசு சண்டைப்பயிற்சி இயக்குநராக பணிபுரிந்துள்ளார். பட்டுக்கோட்டை பிரபாகரன் இந்தப் படத்துக்கு வசனம் எழுத, இந்தப் படத்துக்கு வைரமுத்து, கபிலன், பா.விஜய், சினேகன், கார்க்கி ஆகியோர் பாடல்கள் எழுதியுள்ளனர். 

ராஜு சுந்தரம், பிருந்தா, தினேஷ் ஆகியோர் இந்தப் படத்தின் பாடல்களுக்கு நடன இயக்குநராக பணிபுரிந்துள்ளனர். தற்போது ஹாரிஸ் ஜெயராஜின் தெறிக்கும் இசையுடன் இந்தப் படத்தின் மோஷன் போஸ்டர் வெளியாகியுள்ளது.