நடிகர் விஜய் தற்போது தெலுங்கு இயக்குநர் வம்சி இயக்கும் தளபதி 66 என தற்காலிகமாக பெயரிடப்பட்டுள்ள படத்தில் நடித்து வருகிறார். இந்தப் படத்துக்கு தமன் இசையமைக்க, கார்த்திக் பழனி ஒளிப்பதிவு செய்யவிருக்கிறார்.
இந்தப் படத்தில் நடிகர் பிரகாஷ் ராஜ் முக்கிய வேடத்தில் நடிக்கிறார். இதனை அவர் சமீபத்தில் ஒரு பேட்டியில் உறுதி செய்திருந்தார். இருப்பினும் நடிகர் விஜய்க்கு ஜோடியாக நடிக்கவிருக்கும் நடிகை குறித்து பல்வேறு தகவல்கள் உலா வந்தன. இந்த நிலையில் தற்போது உறுதியான தகவல் கிடைத்துள்ளது.
நடிகர் விஜய்க்கு ஜோடியாக ராஷ்மிகா மந்தனா நடிக்கிறாராம். அல்லு அர்ஜுனுடன் இணைந்து ராஷ்மிகா நடித்திருந்த புஷ்பா திரைப்படம் இந்திய அளவில் மாபெரும் வரவேற்பை பெற்றது. குறிப்பாக ஹிந்தி ரசிகர்களை வெகுவாக கவர்ந்தது. தற்போது விஜய்யுடன் ராஷ்மிகா இணையவிருப்பதால் இந்தப் படத்துக்கு தெலுங்கு, ஹிந்தியிலும் எதிர்பார்ப்பு அதிகரித்துள்ளது.
தளபதி 66 திரைப்படம் பூவே உனக்காக படத்தைப் போல இருக்கும் எனவும், குடும்ப உறவுகள் குறித்து பேசும் படமாக இருக்கும் எனவும் அதன் தயாரிப்பாளர் தில் ராஜு ஒரு பேட்டியில் தெரிவித்திருந்தார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.