நடிகர் விஜய் நடித்துள்ள பீஸ்ட் திரைப்படம் தமிழ், தெலுங்கு, ஹிந்தி, கன்னடம், மலையாளம் ஆகிய 5 மொழிகளில் வருகிற 13 ஆம் தேதி வெளியாகிறது. இந்த நிலையில் இந்தப் படத்தின் ஹிந்தி டிரெய்லர் தற்போது வெளியாகியுள்ளது.
ஹிந்தி டிரெய்லரை பகிர்ந்த நடிகர் வருண் தவான், பீஸ்ட் ஹிந்தி டிரெய்லரை வெளியிடுவதில் மகிழ்ச்சி.எப்பொழுதும் நான் விஜய் சாரின் பெரிய ரசிகன் எனக் குறிப்பிட்டுள்ளார். தெலுங்கு டிரெய்லர் நாளை மாலை 6 மணிக்கு வெளியாகிறது.
இதையும் படிக்க | டிராகனுடன் மோதும் ஆர்யா: 'கேப்டன்' முதல் பார்வை போஸ்டர் இதோ
முன்னதாக அரபிக் குத்து பாடலின் ஹிந்தி மற்றும் தெலுங்கு பதிப்பு வெளியாகி நல்ல வரவேற்பை பெற்றுவருகிறது. இந்தப் படத்தில் பூஜா ஹெக்டே, செல்வராகவன், யோகி பாபு உள்ளிட்டோர் முக்கிய வேடங்களில் நடித்துள்ளனர். மனோஜ் பரமஹம்சா இந்தப் படத்துக்கு ஒளிப்பதிவு செய்துள்ளார்.